«Uzbekistan Airways» kompaniyasining 2025-yildagi sof foydasi 1,2 trln so‘mdan oshdi
«Uzbekistan Airways» AJ 2025-yilni 1,2 trln so‘m miqdoridagi sof foyda bilan yakunladi, bu ko‘rsatkich o‘tgan yilga nisbatan 73,5 foizga yuqoridir.
IV chorak davomida kompaniya 482,4 mlrd so‘m miqdorida sof foyda ko‘rib, 2024-yilning shu davriga nisbatan 149,4 foizlik o‘sishni namoyish etdi.
Yil yakunlariga ko‘ra, aviatashuvchining boshqa operatsion xarajatlari ikki baravardan ko‘proqqa — 1,5 trln so‘mdan 0,7 trln so‘mgacha qisqardi, biroq qarz yukining ortishi fonida foiz xarajatlari 313,6 mlrd so‘mdan 511,7 mlrd so‘mgacha ko‘paydi.
Uzoq muddatli bank kreditlari 6,8 trln so‘mdan 7,8 trln so‘mgacha oshdi, yil oxirida qisqa muddatli kreditlar hajmi 152,9 mlrd so‘mni tashkil etdi.
«Uzbekistan Airways» kompaniyasining 2025-yildagi asosiy moliyaviy ko‘rsatkichlari: aktivlar — 23,1 trln so‘m (yilga nisbatan +28,7 foiz), kapital — 8,6 trln so‘m (+7,9 foiz), taqsimlanmagan foyda — 1,3 trln so‘m (+345,4 foiz), sof tushum — 18,3 trln so‘m (+4,3 foiz).
