UzQR olish endi yanada qulay: arizani onlayn yuboring

Бугун 17:161 дақиқа

Tadbirkorlarga zamonaviy va qulay bank xizmatlarini taqdim etish maqsadida “Biznesni rivojlantirish banki” ATB tomonidan UzQR olish jarayoni raqamlashtirildi. Endi tadbirkorlarga QR-kod olish uchun bank ofisiga borish shart emas – barcha jarayonni Biznes 24/7 ilovasi orqali masofadan turib amalga oshirish mumkin.

UzQR olish endi yanada qulay: arizani onlayn yuboring

Yangi imkoniyat tadbirkorlarga vaqtni tejash, to‘lovlarni qabul qilish jarayonini soddalashtirish va savdo nuqtasida hisob-kitoblarni yanada qulay tashkil etish imkonini beradi.

Yagona UzQR — turli to‘lovlar uchun yagona yechim.

Tadbirkor bitta UzQR orqali turli banklar va to‘lov ilovalaridan keladigan to‘lovlarni qabul qilishi mumkin. Buning uchun bir nechta QR-kod yoki qo‘shimcha qurilmalardan foydalanishga ehtiyoj qolmaydi.

Shuningdek, QR orqali amalga oshirilgan to‘lovlar tadbirkorning bank hisobvarag‘iga tushadi, barcha operatsiyalarni esa yagona platforma orqali kuzatib borish mumkin. Natijada kassadagi ortiqcha jarayonlar qisqaradi, mijozlarga xizmat ko‘rsatish tezlashadi.

Mijozlar uchun ham qulaylik

UzQR orqali xaridorlar o‘zlariga qulay bo‘lgan istalgan bank yoki to‘lov ilovasi orqali to‘lovni amalga oshirishlari mumkin. Bu esa naqd pulsiz hisob-kitoblarni kengaytirish bilan birga, to‘lov jarayonini tez va osonlashtiradi.

UzQR’ni qanday olish mumkin?

Buning uchun tadbirkorga Biznes 24/7 ilovasida bir nechta oddiy qadamni bajarish kifoya:

Yagona QR → Ariza yuborish → Holatini kuzatish → QR yaratish → Yuklab olish

Biznesni rivojlantirish banki raqamli xizmatlarni rivojlantirish orqali tadbirkorlarning bank xizmatlaridan foydalanishini yanada soddalashtirish va ular uchun vaqt va xarajatni tejaydigan yechimlarni kengaytirishda davom etmoqda.

Bank axborot xizmati

Теглар

Biznesni rivojlantirish banki UzQR

Мавзуга оид

Бугун 12:54

O‘zbekistonda maktablar uchun yangilangan Milliy o‘quv dasturi qabul qilindi

U Islom taraqqiyot banki, Arab muvofiqlashtirish guruhi va Ta’lim sohasidagi Global hamkorlik tashkiloti tomonidan moliyalashtirilayoygan SmartED loyihasi doirasida ishlab chiqilgan.

Кеча 16:59

Eksportchilarni qo‘llab-quvvatlash uchun 1 mlrd dollar yo‘naltiriladi

Shuningdek, marketpleyslarda omborga joylashtirish va sotish xarajatining yarmi, xalqaro tenderlar uchun konsalting xarajatining 80 foizi davlat tomonidan kompensatsiya qilinadi.

Бугун 10:25

Sirdaryoda ayrim shahar va tumanlarning chegaralari o‘zgartirilishi mumkin

Viloyat hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosarining aytishicha, yerlardan foydalanishda ularning belgilangan maqsadi, qonunchilik talablariga rioya qilinadi. Yangi o‘tkaziladigan 1748 gektar yer maydonlaridan hech qaysi birining toifasi o‘zgarmaydi.

Кеча 22:55

Biznesni tekshirishga 3 yillik moratoriy, O‘zbekistondagi ilk pulli yo‘l va xotin-qizlar kvotasining yuqori natijasi — 18-avgust dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Кеча 18:15

Boshqa qurilmadan bank ilovasiga kirilganda kartalar vaqtincha o‘chiriladi

16-noyabrdan bank ilovasiga boshqa qurilmadan kirilganda yoki akkaunt paroli tiklanganda unga bog‘langan barcha kartalar avtomatik ravishda vaqtincha nofaol holatga o‘tkaziladi. Ularni qayta faollashtirish uchun OTP-kod bilan tasdiqlash talab etiladi. Yangi tartibda banklarning tasdiqlashsiz pul o‘tkazmalari uchun limit belgilashi va bunday operatsiyalardagi firibgarlik uchun javobgarligi ham nazarda tutilgan.

Кеча 16:05

Abituriyentlarning 37 foizidan ko‘prog‘i minimal ball to‘play olmagan

Yakuniy tanlov natijalariga ko‘ra, davlat granti asosida o‘rtacha o‘tish bali 134,6 ball, to‘lov-kontrakt asosida esa 93,7 ballni tashkil etdi. O‘tgan o‘quv yilida mazkur ko‘rsatkichlar mos ravishda 121,8 va 84,9 ball bo‘lgan.