Uztelecom, Ucell, Beeline ва Mobiuz: қай бири кўпроқ солиқ тўлаган?
Мобил операторлар ва бошқа хизмат кўрсатиш корхоналари томонидан тўланган солиқлар, товар айланмаси ва уларга берилган имтиёзлар миқдори маълум қилинди.
2025 йил январ–октябр ойларида хизмат кўрсатиш фаолияти билан шуғулланувчи 161 473 та юридик шахс томонидан 33,9 трлн сўмдан ортиқ солиқ тўланган. Бу ҳақда Солиқ қўмитаси маълум қилди.
Қайд этилишича, бу давр мобайнида ушбу давр мобайнида хизмат кўрсатиш корхоналарининг товар айланмаси 364 трлн 29,1 млрд сўмни ташкил этган. Шу жумладан, уларга жами 28,8 трлн сўмлик солиқ имтиёзлари берилган.
Шунингдек, 10 ой давомида тўланган солиқларнинг 6 трлн сўмдан ортиғи, яъни 17,8 фоизи 20 та корхона ҳисобига тўғри келади. Ушбу корхоналарнинг жами товар айланмаси 74,2 трлн сўмни, фойдаланган солиқ имтиёзлари миқдори эса 6,5 трлн сўмни ташкил этган.
Жумладан, январ–октябр ойларида хизмат кўрсатиш бозорида катта миқдорда солиқ тўлаган мобил операторлар қуйидагилар бўлди:
«O‘ZBEKTELEKOM» АЖ (Uztelecom) – 1 трлн 6,3 млрд сўм;
«UNITEL» МЧЖ ХК (Beeline) – 321,6 млрд сўм;
«COSCOM» МЧЖ (Ucell) – 263,3 млрд сўм;
«Universal Mobile Systems» МЧЖ (Mobiuz) – 185,3 млрд сўм.
