Хусусий банклар етакчи: Ўзбекистонда банк иловалари рейтинги эълон қилинди
Кучли бешликдаги иловаларнинг фақат биттаси давлат банкига тегишли. Иловаларнинг Android версияси iOs'га қараганда яхшироқ баҳоланган.
SNS Ratings агентлиги Ўзбекистон банкларининг мобил иловалари рейтингини тақдим қилди. Иловалар таҳлили 3 та тилда берилган ва 100 баллик тизимда баҳоланган.
Декабрь ойида банк иловаларининг ўртача балли 80,2 баллни ташкил қилди. Бу 2025 йилдаги энг юқори кўрсаткичга айланди.
Рейтингда 35 та банкдан 30 таси қатнашган. Уларнинг баҳоси 11 та шкалага бўлинган. Идеал тавсифга фақат 3 та банк лойиқ деб топилган — “TBC Bank”, “Анорбанк” ва “Ипак йўли” банки.
Ball | Tavsif | |
94-100 | Ideal | |
88-94 | Namunali | |
82-88 | Deyarli namunali | |
76-82 | Juda yaxshi | |
70-76 | Yaxshiroq | |
64-70 | Yaxshi | |
58-64 | Deyarli yaxshi | |
52-58 | Qoniqarli | |
46-52 | Deyarli qoniqarli | |
0-46 | Qoniqarsiz |
Тўртинчи ўриндан “Uzumbank”, бешинчи ўриндан “Алоқабанк” жой олди. Юқори бешликда фақат битта давлат банки бор ва бу айнан “Алоқабанк”нинг “Zoomrad” иловаси.
Банкларнинг Андроид иловалари iOs иловаларига қараганда яхшироқ баҳоланган. Фаоллик бўйича кўрсаткичлар эса деярли барча банкларда яхши шаклланган.
ТОП 10 рўйхат қуйидагича:
SNS Ratings яқинда банкларнинг ижтимоий тармоқдаги фаоллиги бўйича ҳам маълумот берганди. У ерда ҳам энг фаол банк “TBC Bank” бўлганди.
Мавжуд маълумотларга кўра, банкларнинг барча ижтимоий тармоқлардаги обуначилари сони 2 млн 826 мингтадан ошиқ. Instagram энг фаол тармоқ бўлиб турибди.
Телеграмъда энг кўп обуначига эга банк “Uzum bank” бўлиб турибди. Банкни бу ерда 140 мингдан ошиқ обуначи кузатади. “Халқ банки” ва “Агробанк” кучли учликдан жой олди.
Рейтинг баҳоси — бу агентликнинг фикри бўлиб, тасдиқланган факт сифатида қабул қилинмаслиги тавсия қилинади.
