Янги Cobalt чиқмоқда: нима ўзгаришлар бўлди?
Chevrolet Uzbekistan Cobalt 2025 чиқарилганини маълум қилди. Унинг ташқи кўринишида деярли ҳеч қандай ўзгариш йўқ, фақатгина панел жиҳозлари ва рул қисмида янгиланишлар қилинган.
Компания Cobalt’нинг янги версиясини эълон қилди, лекин унинг нархлари ва қачондан бошлаб сотувга чиқарилишини очиқламади.
«Автострада» нашрининг ёзишича, янги Cobalt шу йилнинг ўзида тақдим этилади ва дастлабки харидорларга сотув очилади.
Қандай ўзгаришлар қилинди?
Автомобилнинг ташқи кўринишида деярли янгилик йўқ. Бироқ салон қисмида бир нечта ўзгаришлар қилинган. Унда двигател ҳарорати датчиги билан жиҳозланган Tracker 1 асбоблар панели, телефон автомобил тизимига осон улаш учун Android Auto ва Apple CarPlay функцияли MyLink сенсорли мультимедиа тизими мавжуд бўлади.
Бундан ташқари, Cobalt’нинг рул қисмида мултимедиа бошқаруви, круиз-контрол ва олд ўриндиқ иситгичлари қўйилди. Одатда бу қисмлар «кўчада» ўрнатилса, бу тахминан 900 долларга тушади. Қолган жойлари эса 12 йил аввалги ўша-ўша эски Cobalt.
Cobalt 2025 қанча бўлиши мумкин?
«Автстрада» прогнозига кўра, Cobalt 2025 нархи тахминан 160–170 млн сўм (13–14 минг доллар) атрофида бўлиши мумкин.
2024 йил октябрда Cobalt нархи унинг фақатгина чироғини қорайтириш баҳонасида 7,3 млн сўмга оширилиб, 155,2 млн сўмгача сотилган эди.
Vaqt.uz журналиcти Сергели автомобил бозоридаги суриштирувларига кўра, Cobalt охирги 2 ойда 300–400 доллар атрофида қимматлашгани маълум бўлганди. Сотувчилар ҳам сентябр ойидан бошлаб Cobalt ва Gentra нархи яна ошиши кутилганини айтишган.
Маълумот учун, UzAuto Motors монополист корхона бўлганлиги сабабли, нархлар сотув бошланишидан 15 кун олдин расман эълон қилиниши шарт.
«Рақобатли нормал дунёда росмана янгиланган версиядаги автомобиллар, қоида тариқасида эскисидан арзонроқ ёки эскисининг нархида сотувга чиқарилса, шўрпешона истеъмолчилари танловсиз Ўзбекистонда автомобилдаги ҳар қандай ўзгариш бу нарх ошириб олиш воситасига айланган», — деб ёзмоқда иқтисодчи Отабек Бакиров.
Cobalt ишлаб чиқариш 3 ой кетма-кет қисқарди
Ўзбекистонда Cobalt ишлаб чиқариш охирги 3 ойда ўтган йилнинг тегишли ойларига нисбатан қисқариб бормоқда. Масалан, 2025 йил июн ойида 14 минг 198 та Cobalt ишлаб чиқарилган, 2024 йил июнида эса 15 минг 406 та. 2025 йил май ойида 14 минг 457 та, 2024 йил май ойида 15 минг 838 та Cobalt ишлаб чиқарилган.
[caption id="attachment_16276" align="aligncenter" width="633"]
Инфографика: Vaqt.uz[/caption]
Умуман олганда, 2025 йилнинг 2-чорагида 2024 йилнинг 2-чорагига солиштирганда Cobalt ишлаб чиқариш 3 минг 698 тага камайган.
UzAuto раҳбарлари нима дейди?
«Renessans» телеканалидаги «Шерзодхон Қудратхўжа билан» кўрсатувида UzAuto Motors раҳбарлари компаниянинг бугунги ҳолати ва 3–5 йиллик келажаги ҳақида суҳбатлашди. Айни пайтда ишлаб чиқариш қуввати 550 минг автомобилга етган бўлиб, 2030 йилга қадар йиллик 1 миллион донага чиқиш режалаштирилган.
Компания акциядори яқин йилларда SUV сегментида (кенг имкониятли катта автомобил бозорида) 8 та янги моделни тақдим этишини маълум қилди. Шу билан бирга, UzAuto Motors ички бозор билан чекланиб қолмасдан, Қозоғистон, Озарбойжон, Гуржистон ва Муғулистон каби янги бозорларга чиқишни мақсад қилган. Жорий йилнинг ўзида 23 мингдан зиёд автомобиль экспорт қилингани бу режаларнинг амалий кўриниши сифатида қайд этилди.
Бундан ташқари, Cobalt’ни тубдан янгилаш, Tracker ва Onix моделларини эса 80 фоизгача маҳаллийлаштириш режалаштирилмоқда.
Cobalt 2 янгиланиш тарихи
Cobalt 2 янгиланиши илк бор Бразилияда амалга оширилган эди. Бироқ Chevrolet Onix арзонроқ бўлгани сабабли, бу модел кўп ўтмай ишлаб чиқаришдан олиб ташланди.
Cobalt 2 чиқиши ҳақидаги режалар аввал UzAuto Motors’нинг IPO жараёнида тасдиқланган. Кейинчалик муддатлар бир неча бор кўчирилди ва 2024 йилда Cobalt 2 расман 2024–2026 йилларга мўлжалланган инвестиция дастурига киритилди. Шу доирада UzAuto Motors Chevrolet Cobalt’ни янгилаш учун 67,4 млн доллар сармоя йўналтиришни режалаштирган.
Мутахассислар фикрича, салон янгиланишидан сўнг завод томонидан янги кузовдаги версияни ишлаб чиқариш йўлга қўйилиши мумкин.
Эслатиб ўтамиз, аввалроқ 2026 йилдан «чиройли» рақамларни аукцион орқали сотиш амалиёти бекор қилиниши ҳақида хабар берилган эди.
Маҳлиё Ҳамидова тайёрлади.
Инфографика: Vaqt.uz[/caption]
Умуман олганда, 2025 йилнинг 2-чорагида 2024 йилнинг 2-чорагига солиштирганда Cobalt ишлаб чиқариш 3 минг 698 тага камайган.
UzAuto раҳбарлари нима дейди?
«Renessans» телеканалидаги «Шерзодхон Қудратхўжа билан» кўрсатувида UzAuto Motors раҳбарлари компаниянинг бугунги ҳолати ва 3–5 йиллик келажаги ҳақида суҳбатлашди. Айни пайтда ишлаб чиқариш қуввати 550 минг автомобилга етган бўлиб, 2030 йилга қадар йиллик 1 миллион донага чиқиш режалаштирилган.
Компания акциядори яқин йилларда SUV сегментида (кенг имкониятли катта автомобил бозорида) 8 та янги моделни тақдим этишини маълум қилди. Шу билан бирга, UzAuto Motors ички бозор билан чекланиб қолмасдан, Қозоғистон, Озарбойжон, Гуржистон ва Муғулистон каби янги бозорларга чиқишни мақсад қилган. Жорий йилнинг ўзида 23 мингдан зиёд автомобиль экспорт қилингани бу режаларнинг амалий кўриниши сифатида қайд этилди.
Бундан ташқари, Cobalt’ни тубдан янгилаш, Tracker ва Onix моделларини эса 80 фоизгача маҳаллийлаштириш режалаштирилмоқда.
Cobalt 2 янгиланиш тарихи
Cobalt 2 янгиланиши илк бор Бразилияда амалга оширилган эди. Бироқ Chevrolet Onix арзонроқ бўлгани сабабли, бу модел кўп ўтмай ишлаб чиқаришдан олиб ташланди.
Cobalt 2 чиқиши ҳақидаги режалар аввал UzAuto Motors’нинг IPO жараёнида тасдиқланган. Кейинчалик муддатлар бир неча бор кўчирилди ва 2024 йилда Cobalt 2 расман 2024–2026 йилларга мўлжалланган инвестиция дастурига киритилди. Шу доирада UzAuto Motors Chevrolet Cobalt’ни янгилаш учун 67,4 млн доллар сармоя йўналтиришни режалаштирган.
Мутахассислар фикрича, салон янгиланишидан сўнг завод томонидан янги кузовдаги версияни ишлаб чиқариш йўлга қўйилиши мумкин.
Эслатиб ўтамиз, аввалроқ 2026 йилдан «чиройли» рақамларни аукцион орқали сотиш амалиёти бекор қилиниши ҳақида хабар берилган эди.
Маҳлиё Ҳамидова тайёрлади.
