Европа Иттифоқи ўзбекистонлик тадбиркорни жазолади

Бугун 14:555031

У бошқарадиган Фарғона кимё заводи Россиянинг қурол ишлаб чиқариш заводларига хомашё етказиб бергани айтилмоқда.

Европа Иттифоқи ўзбекистонлик тадбиркорни жазолади

Европа Иттифоқи ўзбекистонлик тадбиркор Рустам Мўминовни 19-санкциялар пакетига киритди. Брюсселнинг расмий баёнотига кўра, Мўминов бир вақтнинг ўзида Ўзбекистон, Россия ва Буюк Британия фуқаролигига эга бўлиб, унинг бизнес фаолияти Россия ҳарбий-саноат соҳасини билвосита қўллаб-қувватлаган.

Маълум қилинишича, Мўминов Фарғона кимё заводини назорат қилади. Корхона пахта целлюлозаси ишлаб чиқаради ва йиллик қуввати 30 минг тоннага етган. Тайёр маҳсулотнинг 90 фоизи экспортга йўналтирилади. Европа Иттифоқи ушбу корхона маҳсулоти Россиянинг Перм ва Қозон қурол ишлаб чиқариш заводларига етказилгани ва ҳарбий қурол-яроғ ишлаб чиқаришда қўлланганини таъкидламоқда.

Orginfo маълумотига кўра, 2023 йилда Фарғона кимё заводи тўлиқ Mercury Renaissance компаниясига тегишли бўлган. Унинг 60 фоизи Рустам Мўминов, қолган 40 фоизи эса Шахриёр Тожиев томонидан назорат қилинган.

2025 йил баҳорида Украина ҳам ўз санкциялар рўйхатини кенгайтириб, Mercury Renaissance, Фарғона кимё заводи ва Raw Materials Cellulose компанияларини чекловлар остига олган эди. Президент Владимир Зеленский шунингдек, Рустам Мўминовнинг ўзига нисбатан ҳам шахсий санкциялар жорий қилган.

Теглар

Европа Иттифоқи Рустам Мўминов Фарғона кимё заводи Mercury Renaissance Украина санкциялари

Мавзуга оид

13.11.2025 | 09:38

Қозоғистонда ЛГБТ тарғиботини тақиқлаш тўғрисидаги қонун қабул қилинди

Қозоғистон парламенти ЛГБТ ҳақидаги маълумотларни филмлар, реклама ва ижтимоий тармоқларда тарқатишни тақиқловчи қонунни маъқуллади.

13.11.2025 | 22:55

Хитой G7 давлатлари айбловини рад этди

Мамлакат ташқи ишлар вазири G7 вазирларининг хулосаларини «ХХРнинг ички ишларига аралашиш» деб баҳолади ва уларнинг «фактларни эътиборсиз қолдириб, ҳақиқатни бузиб кўрсатаётганини таъкидлади.

Кеча 18:00

Кайя Каллас: Евроиттифоқ Россияга қарши санкцияларнинг 20-пакети устида иш бошлади

20-пакет ЕИнинг санкция сиёсатини янги даражага олиб чиқиши мумкин. Брюсселдаги манбаларга кўра, бу чоралар Россиянинг «хуфиёна флоти» ва нефт даромадларини чеклашга қаратилган.

Кеча 13:00

Тошкент саммити: Марказий Осиёнинг стратегик бирлиги учун янги босқич

Ўзбекистон Республикаси Президенти Шавкат Мирзиёев Марказий Осиё давлатлари раҳбарларининг VII Маслаҳат учрашувида бир қатор фикр ва ташаббусларни илгари сурди

Кеча 19:00

Александр Стубб: «Кремл Трамп билан учрашувни бекор қилиб, стратегик хатога йўл қўйди»

Финландия президенти Кремл Будапештдаги имкониятни қўлдан бой берганини таъкидлади. Унга кўра, Трамп билан учрашувнинг бекор қилиниши Россия учун йўқотиш бўлган.

13.11.2025 | 08:38

Океанлардаги танкерларда 1 млрд баррел нефт тўпланди: қарийб ярми — санкциядаги давлатларники

Bloomberg хабарига кўра, август ойидан бери жаҳон океанларидаги танкерларда 1 миллиард баррелга яқин нефт йиғилиб қолган. Бу ҳолат санкцияланган давлатлар ҳиссаси ҳисобига юзага келган.