2026-йилнинг март ойи учун «Палов индекси» маълумотлари эълон қилинди

Миллий статистика қўмитаси 2026-йилнинг март ойи учун ҳудудлар кесимида бир килограмм палов тайёрлаш учун сарфланадиган маблағ миқдори ҳақидаги маълумотларни эълон қилди.

Ҳисоб-китобларга кўра, энг юқори кўрсаткич Тошкент шаҳрида, энг паст кўрсаткич эса Қорақалпоғистон Республикасида қайд этилган.

Ҳудудлар кесимида ҳисобланган қийматлари қуйидагича:

• Қорақалпоғистон Респ. – 99 973 сўм

• Андижон вилояти – 108 169 сўм

• Бухоро вилояти – 110 836 сўм

• Жиззах вилояти – 111 556 сўм

• Қашқадарё вилояти – 113 936 сўм

• Навоий вилояти – 112 911 сўм

• Наманган вилояти – 110 958 сўм

• Самарқанд вилояти – 115 821 сўм

• Сурхондарё вилояти – 113 661 сўм

• Сирдарё вилояти – 106 589 сўм

• Тошкент вилояти – 115 026 сўм

• Фарғона вилояти – 117 627 сўм

• Хоразм вилояти – 109 457 сўм

• Тошкент шаҳри – 119 989 сўм.

Статистик ҳисоб-китобларда бир килограмм палов учун қуйидаги маҳсулотлар ва миқдорлар асос қилиб олинган:

• кунгабоқар ёғи – 0,3 л

• пиёз – 300 гр

• мол гўшти – 700 гр

• сабзи – 1 кг

• гуруч – 1 кг

• нўхат – 100 гр

• зира – 10 гр

• ош тузи – 20 гр.

Эслатиб ўтамиз, келтирилган қийматлар палов тайёрлаш учун зарур маҳсулотлар нархи асосида ҳисобланган бўлиб, улар ҳудудларда сотилаётган бир килограмм палов нархини ифодаламайди.