Буюк Британия бош вазири истеъфога чиқаётганини эълон қилди

Bugun 16:452 daqiqa

Кир Стармер Буюк Британия бош вазири ва Лейбористлар партияси раҳбари лавозимидан кетишини маълум қилди. Унинг ўрнига Катта Манчестер мери Энди Бёрнем асосий номзод сифатида кўрилмоқда.

Буюк Британия бош вазири истеъфога чиқаётганини эълон қилди

Буюк Британия бош вазири Кир Стармер мамлакат ҳукумати раҳбари ва Лейбористлар партияси етакчиси лавозимларидан истеъфога чиқишини маълум қилди. Бу ҳақда BBC News хабар берди.

Стармер партиядошлари орасида қўллаб-қувватлов пасайганини тан олиб, 2029 йилдаги навбатдаги парламент сайловларига партияни бошлаб бориш учун энг муносиб номзод эмаслигини айтди.

«Қабул қилган ҳар бир қарорим ўзим севадиган мамлакатни ҳамма нарсадан устун қўйиш истаги билан йўғрилган. Айнан шу сабабли истеъфога чиқяпман», — дейди Лондондаги Даунинг-стрит қаршисида сўзга чиққан Стармер.

Унинг маълум қилишича, Лейбористлар партияси раҳбарлиги учун номзодларни кўрсатиш жараёни 9 июлдан бошланади. Янги етакчи парламентнинг ёзги таътили якунланиб, сентябрда иш бошлашига қадар аниқланиши кутилмоқда. Шу вақтгача Стармер бош вазир вазифасини бажаришда давом этади ва ҳокимиятнинг тартибли топширилишини таъминлайди.

Нутқи якунида у сиёсатдан кейинги асосий эътиборини оиласига қаратишини таъкидлаб, рафиқаси Вик ва фарзандларига кўпроқ вақт ажратишини билдирди.

Янги бош вазир лавозимига асосий даъвогар сифатида Энди Бёрнем кўрилмоқда. У яқинда парламентга қайта сайланган ва Лейбористлар партияси ичида энг кучли номзод сифатида баҳоланмоқда.

Кир Стармер бошчилигидаги Лейбористлар партияси 2024 йилги парламент сайловларида ғалаба қозониб, 14 йиллик консерваторлар ҳокимиятига барҳам берган эди. Бироқ 2025–2026 йилларда партиянинг рейтинглари пасайиб, маҳаллий сайловларда йирик йўқотишларга учради. Айниқса, Найжел Фараж бошчилигидаги Реформ УК таъсирининг кучайиши лейбористлар орасида хавотирларни оширган.

Teglar

Британия Кир Стармер бош вазир сиёсат Лейбористлар Энди Бёрнем

Mavzuga oid

20.06.2026 | 11:15

Шавкат Умурзоқов: Тошкент икки йилда энг хавфсиз шаҳар бўлади

Пойтахт ҳокимига кўра, Олмазор, Учтепа ва Чилонзор туманларида сўнгги йилларда жиноятчилик кескин камайган ва пойтахт яқин бир-икки йил ичида «Энг хавфсиз ва энг рақамлашган шаҳар»га айланади.

20.06.2026 | 08:30

Миграция агентлигининг қидирувдаги собиқ мулозими агентлик раҳбарларини йирик коррупция ва товламачиликда айбламоқда

Халқаро қидирувга берилган Ташқи меҳнат миграцияси агентлигининг собиқ мулозими Азизбек Тоштемиров Миграция агентлигининг амалдаги раҳбари Беҳзод Мусаев ва собиқ раҳбари Афзал Ирматовни йирик коррупцияда айблаяпти. У тизимдаги кўзбўямачиликлар, сохта имтиҳонлар ва юқори лавозимли шахсларнинг қимматбаҳо талаблари ҳақида қатор иддаоларни илгари сурмоқда.

Bugun 08:25

«Бутун Ливан ёниб кулга айланиши керак»: Исроил Трампдан ғазабланмоқда

Исроилда АҚШ ва Эрон ўртасида тузилган оралиқ келишувдан жамоатчиликнинг норозилиги кучайган. Яҳудий мамлакатида «Америка Исроилга хиёнат қилди» деган ҳиссиёт шаклланмоқда.

19.06.2026 | 20:38

Акаевнинг кутилмаган ташрифи: собиқ президент Жапаровнинг муддатини узайтиришни таклиф қилмоқда

У Садир Жапаровга қўшимча 8-10 йиллик бошқарув мандатини тақдим этишга чақирди.

20.06.2026 | 08:00

Дунё тинчликдан умидвор: АҚШ ва Эрон ўртасидаги «тарихий битим»га халқаро муносабат қандай бўлди?

Покистон воситачилигида имзоланган ушбу келишув нафақат 60 кунлик оташкесимни, балки Ҳўрмуз бўғозини очиш ва ядровий дастур бўйича техник музокараларни бошлашни ҳам кўзда тутади.

Kecha 20:55

Ёқилғисиз ва қуролсиз: Украинанинг янги дронлар стратегияси Россия таъминот тизимини қандай вайрон қилмоқда?

«Deep State» таҳлилий гуруҳига кўра, Киев босиб олинган жанубий ҳудудлар, хусусан, Қрим орқали ўтадиган барча ҳаракатларни тўлиқ назорат остига олиш арафасида турибди. Бу эса жанубдаги Россия армиясини таъминотдан бутунлай узиб, уларни ҳалокатли қамал гирдобига ташлайди.