Imomali Rahmon Toshkentga keldi

Bugun 13:281 daqiqa

Tojikiston prezidentini O‘zbekiston yetakchisi Shavkat Mirziyoyev kutib oldi.

O‘zbekiston prezidenti Shavkat Mirziyoyevning taklifiga binoan Tojikiston prezidenti Imomali Rahmon bugun, 16-mart kuni davlat tashrifi bilan Toshkentga keldi. Bu haqda prezident matbuot xizmati xabar berdi.

Tojikiston yetakchisini «Toshkent-Humo» xalqaro aeroportida Shavkat Mirziyoyev kutib oldi. Oliy martabali mehmon sharafiga ikki mamlakatning davlat bayroqlari ko‘tarildi va faxriy qorovul saf tortdi.

Bugun ikki tomonlama muzokaralar va Oliy davlatlararo kengashning birinchi yig‘ilishi bo‘lib o‘tadi.

Tojikiston prezidentiga hukumat a’zolari, davlat muassasalari va idoralari rahbarlari hamda madaniyat va san’at xodimlaridan iborat katta rasmiy delegatsiya hamrohlik qilmoqda.

Imomali Rahmon dastlab o‘zbek xalqi tarixi va madaniyatiga hurmat ramzi sifatida «Mustaqillik va gumanizm» memorialiga gulchanbar qo‘ydi. Gulchanbar qo‘yish marosimida unga O‘zbekiston bosh vaziri Abdulla Aripov hamrohlik qildi.

Imomali Rahmonning tashrifi fonida O‘zbekiston prezidentining tegishli farmoni bilan Tojikiston Respublikasi So‘g‘d viloyati «Nuri niyogon» shashmaqom ansambli rahbari Nabiyev Shuhratjon Jurabekovich O‘zbekiston Respublikasining «Do‘stlik» ordeni bilan mukofotlandi.

Teglar

Shavkat Mirziyoyev Tojikiston Imomali Rahmon O‘zbekiston

Mavzuga oid

Kecha 20:35

Markaziy bank huzurida Islomiy moliya kengashi tashkil etiladi

Joriy yilda kamida bitta tijorat bankida islomiy «darcha» faoliyatini yo‘lga qo‘yish, 2026-2030 yillarda esa to‘liq islomiy bank faoliyatini amalga oshiruvchi ikkita bank tashkil etish rejalashtirilgan.

Kecha 17:07

AQSH vizasini olib berish evaziga pora olgan shaxs ushlandi

AQSH vizasini olib berish evaziga 75 ming dollar pora olgan shaxs qo‘lga olindi.

Kecha 23:05

Markaziy bankdagi islomiy «burilish», «Qo‘yliq»ni Nurafshon bilan bog‘lovchi yangi yo‘l va masjidlardagi yangi ogohlantirish tizimi — 25-mart dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Kecha 19:37

O‘zbekistonda 500 dollargacha valutani pasportsiz sotib olishga ruxsat berilishi mumkin

Shuningdek, bank mijozlarini identifikatsiya qilishda nafaqat pasportning asli, balki uning elektron shakli ham tan olinishi mumkin.

Kecha 20:04

Toshkent xalqaro moliya markazi tashkil etiladi

Markaz rezidentlari uchun kapitalning erkin harakati va repatriatsiyasi, erkin valuta operatsiyalari, zamonaviy to‘lov vositalari, jumladan, raqamli aktivlar bilan ishlash, imtiyozli soliq rejimi, soddalashtirilgan viza tartibi kabi keng imkoniyatlar yaratiladi.

Kecha 17:25