Мирзиёев наркожиноятлар учун жавобгарликни кучайтирувчи қонунни имзолади

Kecha 23:352 daqiqa

Ғайриқонуний нарколаборатория ташкил этиш, наркотикларнинг ноқонуний муомаласига раҳнамолик қилиш, бангихона ташкил этиш каби қилмишлар учун алоҳида жавобгарлик белгиланди.

Мирзиёев наркожиноятлар учун жавобгарликни кучайтирувчи қонунни имзолади

Президент Шавкат Мирзиёев аҳоли саломатлиги ва миллат генофондини гиёҳвандликдан ҳимоя қилишга қаратилган қонунчиликни такомиллаштириш юзасидан тақдимот билан танишди. Бу ҳақда Президент матбуот хизмати маълум қилди.

Тақдимотда парламент томонидан қабул қилинган, гиёҳвандлик воситалари, психотроп моддалар, уларнинг аналоглари ҳамда кучли таъсир қилувчи моддаларнинг қонунга хилоф муомаласи учун жавобгарликни кучайтиришга қаратилган қонуннинг мазмун-моҳияти ҳақида ахборот берилди.

Қонун билан Жиноят кодексига «Аҳоли саломатлиги ва генофондига қарши жиноятлар» номли янги боб киритилмоқда. Унда аҳоли, айниқса ёшлар саломатлигига таҳдид солувчи қилмишлар учун жавобгарлик чораларини кучайтириш назарда тутилган.

Янги чоралар

Маълум қилинишича, наркожиноятларнинг замонавий шакллари инобатга олиниб, ғайриқонуний нарколаборатория ташкил этиш, наркотикларнинг ноқонуний муомаласига раҳнамолик қилиш ва бангихона ташкил этиш каби қилмишлар учун алоҳида жавобгарлик белгиланмоқда.

Шунингдек, 10 дан ортиқ хавфли қилмиш бўйича жазо чоралари оғирлаштирилади. Давлат раҳбари мазкур қонун наркожиноятчиликка қарши курашишни янги босқичга олиб чиқиши ва аҳоли саломатлигини ҳимоя қилишда муҳим ҳуқуқий асос бўлишини таъкидлаб, ҳужжатни имзолади.

Тақдимотда, шунингдек, «Наркотиклар ва кучли таъсир қилувчи моддалар тўғрисида»ги қонун лойиҳаси ҳақида ҳам ахборот берилди. Лойиҳада гиёҳвандликка қарши давлат сиёсатининг еттита асосий йўналиши белгиланиши, интернет орқали содир этилаётган наркожиноятларга қарши курашиш, профилактика, даволаш ва реабилитация тизимини такомиллаштириш чоралари назарда тутилган.

Teglar

наркотик қонун гиёҳвандлик наркожиноят Мирзиёев психотроп

Mavzuga oid

Kecha 18:46

Ўзбекистон олтин захиралари тарихдаги энг юқори даражага чиқди

Марказий банк захираларидаги олтин ҳажми илк бор 423 тоннагача кўпайди. Ҳозирда мамлакат халқаро захираларининг 87 фоизи олтиндан иборат. Аммо олтин нархининг тушиши Ўзбекистон захираларига миллиардлаб доллар зарар келтирмоқда.

Kecha 18:00

Эркинжон Турдимов: «Кредит олсангиз, кўчада қолишга тайёр бўлинг»

Сирдарё вилояти ҳокими Эркинжон Турдимов томорқасига сув чиқариш учун кредит сўраган фуқарони қарз олишдан қайтариб, муаммо ҳокимлик кўмагида ҳал этилишини маълум қилди.

Kecha 22:45

Ўзбекистон Жаҳон чемпионатидан қанча даромад олади?

Ўзбекистон футбол терма жамоаси илк мундиалида миллионлаб доллар ишлаб олиши кутилмоқда. Терма жамоа натижасига қараб мукофот ҳам ошиб бораверади. Мусобақада қатнашадиган футболчиларнинг клублари ҳам юз минглаб доллар компенсация олади.

Kecha 22:55

Шифокорлар ва ҳарбийларга мумкин эмас: Ўзбекистонда иш ташлашни амалга ошириш тартиби белгиланди

Ўзбекистонда жамоавий меҳнат низоларини ҳал қилишнинг иложи бўлмаган ҳолларда иш ташлаш ўтказиш тартиби қонун даражасида белгиланди.

Kecha 19:45

Қиммат гўшт, қуриётган яйловлар ва миллион евролик “лоторея” фожиаси | Fikr vaqti

Ҳурматли томошабин, дастур аввалида сизни бозорга, бозор бўлгандаям деҳқон бозорига таклиф қилмоқчиман. Йўқ, ҳозир студиядан чиқибоқ, бозорга қараб кетмоқчи эмасман, албатта. Шунчаки тасаввурларни ишга соламиз ва ўзингизни бир неча сонияга деҳқон бозорининг гўшт расталари қаторида дея тасаввур қилинг. Энди қассобнинг ёнига гўшт нархини сўраш учун яқинлашинг.

Kecha 20:55

Кредит ставкалари пасайишда давом этмоқда — Марказий банк

Апрель ойида миллий валютадаги кредитлар бўйича ўртача фоиз ставкаси 19,7 фоизгача пасайди, имтиёзли кредитлар эса 10 фоиздан паст даражада сақланмоқда.