«Open bank» yagona aksiyadorga o‘tdi

Bugun 19:171 daqiqa

Future Open Technologies MCHJ «Open bank»dagi ulushini 85 foizdan 100 foizga yetkazdi. Yil boshida «Agrobank» «Open bank» aksiyalarini sotib olish bo‘yicha qaror qabul qilgandi.

O‘zbekistondagi xususiy banklardan biri «Open bank»ning 100 foiz ulushi Future Open Technologies MCHJ tarkibiga o‘tkazildi. Bu haqda Korporativ axborot yagona portalida ma’lum qilindi.

25-iyun kuni e’lon qilingan axborotga ko‘ra, Future Open Technologies bankning ustav kapitalidagi 500 mlrd so‘mlik barcha ulushni o‘ziga rasmiylashtirgan.

Bungacha kompaniyaning «Open bank»dagi ulushi 85 foizdan oshiq edi. Qolgan ulushlarga Zafar Adilov (4,9 foiz) va Komilxo‘ja Sultonov (10 foiz) egalik qilardi.

«Open bank» Markaziy bankdan bank faoliyatini amalga oshirish uchun litsenziyani 2022 yilda «Smart bank» nomi ostida olgan edi.

Ma’lumotlarga qaraganda, bank o‘shanda «Agrobank»ka tegishli kompaniya qoshida tashkil qilingan.

2025 yil boshida Future Open Technologies «Smart bank»ning 451 mlrd so‘mlik 90,2 foiz ulushini xarid qilgan edi. Shundan so‘ng, rebrending qilindi va bank nomi «Open bank» deb o‘zgartirildi.

Ma’lumot uchun, yil boshida «Agrobank» aksiyadorlari «Open bank»ni sotib olish to‘g‘risida qaror qabul qilgan edi.

Bank aksiyalarini sotib olish bo‘yicha «Yo‘l xaritasi»ning ijrosini ta’minlash «Agrobank» Boshqaruvi zimmasiga yuklatilgan.

Teglar

bank aksiyadorlar «Agrobank»«Open bank»«Future Open Technologies»

Mavzuga oid

Bugun 17:55

Vazirlik Vaqt.uz surishtiruviga munosabat bildirdi, ammo asosiy savollar ochiq qolmoqda

Oliy ta’lim, fan va innovatsiyalar vazirligi Vaqt.uz’ning talabalar yotoqxonalari bo‘yicha surishtiruviga rasmiy izoh berdi. Biroq bayonotda davlat dasturi ijrosi, qurilgan yotoqxonalar va statistik raqamlarga oid asosiy savollarga oydinlik kiritilmadi.

Kecha 20:28

O‘zbekiston FIFA reytingida 10 pog‘ona pastladi

Jahon chempionatidagi omadsiz ishtirokdan keyin O‘zbekiston milliy terma jamoasi FIFA reytingida 60-o‘ringa tushib ketdi.

Bugun 08:00

O‘zbekiston Prezidenti Xalqaro valuta jamg‘armasi bilan hamkorlikni kengaytirishga chaqirdi

Prezident Shavkat Mirziyoyev Xalqaro valuta jamg‘armasi vakili Bo Li bilan uchrashuvda makroiqtisodiy islohotlar, erkin valuta kursi va raqamli to‘lovlar tizimini rivojlantirish bo‘yicha hamkorlikni kengaytirish masalalarini muhokama qildi.

Bugun 17:18

«Uzum bank»dan «Agrobank»gacha: Markaziy bank bir qancha moliya tashkilotlarini jarimaga tortdi

Regulyator «Sirli mijoz» nazorat tadbiri doirasida 14 ta bankka 681,5 mln so‘m jarima qo‘lladi. Bunda «Agrobank»ka nisbatan 255 mln so‘m, «SQB»ga nisbatan 119,5 mln so‘m jarima belgilandi.

Kecha 22:20

«Mard o‘g‘lon» mukofoti g‘oliblari e’lon qilindi

Yigitlarga bazaviy hisoblash miqdorining 50 baravari miqdorida pul mukofoti beriladi.

Bugun 17:40