Ўзбекистон дунёдаги энг йирик олтин харидорлари қаторига кирди
Жаҳон олтин кенгаши маълумотига кўра, Ўзбекистон феврал ойида 8 тонна олтин харид қилиб, глобал етакчи харидорлардан бирига айланди.
Марказий банклар харидлари динамикаси
Жаҳон марказий банклари 2026 йил феврал ойида олтин харидини фаол давом эттирди. Жаҳон олтин кенгаши (World Gold Council) маълумотларига кўра, ушбу ойда жами 19 тонна олтин сотиб олинган.
Йилнинг дастлабки икки ойида эса марказий банклар томонидан жами 25 тонна олтин харид қилинган. Бу кўрсаткич 2025 йилнинг шу даврига нисбатан (50 тонна) икки баравар кам.
Ўзбекистон етакчилар қаторида
Феврал ойидаги асосий олтин харидорлари сифатида Полша (20 тонна), Ўзбекистон (8 тонна) ва Чехия (2 тонна) қайд этилди.
Маълумотларга кўра, Ўзбекистон ушбу ойда 8 тонна олтин сотиб олган. Натижада мамлакатнинг умумий олтин захираси 407 тоннага ёки жами захираларнинг 88 фоизига етган. Йил бошидан буён эса мамлакат томонидан 16 тонна олтин харид қилинган.
«Ўзбекистон кетма-кет 5-ойдан бери олтин захираларини кўпайтириб келмоқда», — дейилади ҳисоботда.
2025 йил якунларига кўра, Ўзбекистон Марказий банки олтин харид қилиш бўйича дунёдаги кучли ўнталикка кирган эди. Бу тенденция 2026 йилда ҳам давом этаётгани кузатилмоқда.
Энг кўп олтин сотган давлатлар
Айни пайтда, феврал ойида энг йирик олтин сотувчилар Туркия (-8 тонна) ва Россия (-6 тонна) марказий банклари бўлди.
