Ўзбекистон Исроилдаги фуқароларини огоҳлантирди

Исроилдаги ҳозирги вазиятни инобатга олган ҳолда, Ўзбекистоннинг Исроилдаги элчихонаси барча фуқароларни шахсий хавфсизлик чораларига жиддий эътибор қаратишга чақирди.

Шу билан бирга элчихона минтақада хавфсизлик ҳолати тез ўзгариши мумкинлиги сабаб Исроил расмий идоралари, маҳаллий ҳокимият органларининг хабар ва кўрсатмаларига амал қилишни, оммавий тадбирлар ўтказилаётган жойларга боришдан, одамлар гавжум ҳудудларда узоқ вақт қолишдан сақланишни сўраган.

Шунингдек, саёҳат ва ҳаракатланишни режалаштиришда эҳтиёткорликка риоя қилишни, айрим ҳудудларга сафарни вақтинча кечиктиришни тавсия қилган. Бундан ташқари, шахсни тасдиқловчи ҳужжатларни доимо олиб юриш ҳамда яқинлар билан доимий алоқада бўлиш сўралган.

Баёнотда келтирилишича, элчихона билан қуйидаги телефон рақамлари орқали боғланиш мумкин:

03-672-2466

03-672-2371

03-758-5075

03-758-5076

Фавқулодда ва шошилинч хабарлар учун:

+972 54 485 1397

Электрон почта: il.uzembassy@mfa.uz

«Илтимос, вазиятга жиддий ёндашинг ва хавфсизлик қоидаларига қатъий риоя қилинг», – дейилади баёнотда.