O‘zbekiston tarixi davlat muzeyi ikki yillik rekonstruksiyadan so‘ng qayta ochiladi

Bugun 08:401 daqiqa

Ochilish munosabati bilan 24-iyuldan 26-iyulgacha «Ochiq eshiklar kunlari» doirasida muzeyga kirish bepul bo‘ladi.

O‘zbekiston tarixi davlat muzeyi ikki yillik rekonstruksiyadan so‘ng qayta ochiladi

O‘zbekiston tarixi davlat muzeyi qariyb ikki yillik rekonstruksiya va ta’mirlash ishlaridan so‘ng 24-iyul kuni o‘z faoliyatini qayta boshlaydi. Bu haqda muzey matbuot xizmati ma’lum qildi.

Muzeyning ochilishi munosabati bilan 24, 25 va 26-iyul kunlari «Ochiq eshiklar kunlari» tashkil etilib, O‘zbekiston fuqarolari uchun kirish bepul bo‘ladi.

Tantanali ochilish marosimi 2026 yil 24-iyul kuni soat 10:00 da bo‘lib o‘tishi belgilangan. Bino fasadini yangilash va ichki ekspozitsiyalarni rekonstruksiya qilish maqsadida muzey 2024 yilning 4-iyun sanasida tashrif buyuruvchilar uchun yopilgan edi.

Joriy yilda o‘zining 150 yillik yubileyini nishonlayotgan ushbu madaniy maskan Markaziy Osiyodagi eng qadimiy va eng boy muzeylardan biri hisoblanadi.

1876 yilda tashkil etilgan va 1994 yil 5-avgustda davlat maqomini olgan maskan fondida mintaqa tarixini qadimgi davrlardan to hozirgi kungacha aks ettiruvchi 350 mingdan ziyod nodir eksponatlar (arxeologik topilmalar, numizmatika to‘plamlari, qo‘lyozmalar va etnografik materiallar) saqlanadi.

Eslatib o‘tamiz, avvalroq, aprel oyida Amir Temur tavalludining 690 yilligi munosabati bilan Temuriylar tarixi davlat muzeyi ham rekonstruksiyadan so‘ng qayta ochilgan edi.

Teglar

rekonstruksiya Toshkent muzeylari tarix.O‘zbekiston tarixi davlat muzeyi ochiq eshiklar kuni madaniyat yangiliklari 150 yillik yubiley

Mavzuga oid

Kecha 20:55

Markaziy bank: olti oyda so‘mning dollarga nisbatan kursi o‘zgarmadi

2026-yilning birinchi yarmida dollar kursi 11 935–12 320 so‘m oralig‘ida shakllandi va hisobot davri yakunida yil boshidagi darajada qoldi. Shu bilan birga, Xalqaro valuta jamg‘armasi O‘zbekistonning almashuv kursi rejimini «sudraluvchi»dan «suzuvchi» maqomiga o‘zgartirdi.

Kecha 15:44

Jahon banki Amudaryo va Sirdaryoni yaxshilash uchun 20 million dollar ajratdi

Loyiha ishtirokchilari Qozog‘iston, Tojikiston, Turkmaniston va O‘zbekistondir.

Kecha 19:22

O‘zbekistondagi ilk pulli yo‘l avgustda ochilishi mumkin

Urganch — Xiva avtomagistrali kelasi oyda ishga tushirilishi rejalashtirilmoqda. Shu bilan birga, Toshkent — Andijon avtomagistrali bo‘yicha xalqaro tender yakunlanish arafasida, Toshkent — Chorvoq yo‘li uchun esa hukumat xususiy sherikni aniqlamoqda.

Kecha 18:10

O‘zini o‘zi band qilganlar bo‘yicha qaysi vazirlik yolg‘on gapirmoqda va «ishli» ishsizlar uchun javob beradigan bormi?

So‘nggi kunlarda o‘zidan bexabar ishga joylashtirilgan fuqarolar haqidagi murojaatlar ortidan bandlik statistikasi va shaxsiy ma’lumotlar xavfsizligiga oid savollar ko‘paymoqda. Vaqt.uz fuqarolar murojaatlari va uch yillik statistikani o‘rganib, Bandlik vazirligidan mazkur masala yuzasidan izoh oldi.

Kecha 21:40

O‘zbekistonda yerlarni ijaraga berish muddati 49 yilgacha uzaytirilmoqda

Qonunchilik palatasining navbatdagi majlisida yer uchastkalariga bo‘lgan huquqlarni tizimlashtirishga qaratilgan qonun loyihasi qabul qilindi va Senatga yuborildi.

Kecha 18:47

Payme yarim yilda 206 mlrd so‘m foyda oldi

Kompaniya daromadini 50,6 foizga oshirgan bo‘lsa-da, sof foyda o‘sishi 23,6 foizni tashkil etdi. Ikkinchi chorakning o‘zida esa tushum ko‘payishiga qaramay, foyda biroz kamaygan.