O‘zbekistonning AQSHga eksporti 2017–2024 yillar davomida deyarli 10 barobarga o‘sdi

Bugun 14:251372

Iqtisodiy tadqiqotlar va islohotlar markazi direktori o‘rinbosari Xurshid Asadov O‘zbekiston—AQSH o‘rtasidagi so‘nggi 8 yildagi savdo munosabatlarini tahlil qildi.

O‘zbekistonning AQSHga eksporti 2017–2024 yillar davomida deyarli 10 barobarga o‘sdi

Iqtisodiy tadqiqotlar va islohotlar markazi direktori o‘rinbosari Xurshid Asadov O‘zbekiston—AQSH o‘rtasidagi so‘nggi 8 yildagi savdo munosabatlarini tahlil qildi.

2017–2024 yillarda O‘zbekiston va AQSH o‘rtasidagi savdo aylanmasi 4,1 barobarga — 215 mln dollardan 881,7 mln dollarga yetdi. Eksport hajmi 9,9 barobarga o‘sib, 32,1 mln dollardan 317,4 mln dollargacha ko‘tarilgan. Import hajmi esa 3,1 barobarga oshib, 182,9 mln dollardan 564,3 mln dollarga yetdi.

Iqtisodiy tadqiqotlar va islohotlar markazi direktori o‘rinbosari Xurshid Asadovning keltirishicha, O‘zbekistonning umumiy tovar aylanmasida AQSH ulushi 0,8 foizdan 1,3 foizgacha o‘sdi. Eksportda 0,3 foizdan 1,2 foizgacha, importda esa 1,3 foizdan 1,4 foizgacha ko‘tarilgani qayd etilgan.

Ma’lumotlarga ko‘ra, so‘nggi sakkiz yilda AQSHdan to‘g‘ridan-to‘g‘ri investitsiyalar va kreditlar oqimi sezilarli darajada oshgan. 2017 yilda bu ko‘rsatkich 8,6 mln dollarni tashkil etgan bo‘lsa, 2024 yilda 63 barobarga o‘sgan va 545,9 mln dollarga yetgan. Umumiy hisobda 2017–2024 yillarda AQSHdan O‘zbekiston iqtisodiyotiga jalb qilingan to‘g‘ridan-to‘g‘ri investitsiyalar va kreditlar 2,6 mlrd dollardan oshdi.

O‘zbekiston Respublikasi Prezidentining shu oy boshidagi AQSHga amaliy tashrifi chog‘ida ikki tomonlama hamkorlikni rivojlantirish bo‘yicha qator kelishuvlarga erishildi.

Bundan tashqari, 2025 yilning 12-noyabrda Prezident farmoni bilan ikki tomonlama savdo-investitsiyaviy va tijorat aloqalarini yanada kengaytirish maqsadida Amerika–O‘zbekiston ishbilarmonlik va investitsiya kengashi tashkil etildi.

2026 yil 1-yanvardan O‘zbekistonning AQSHdagi elchixonasi tuzilmasiga qo‘shimcha maslahatchi-elchi – O‘zbekiston Respublikasi Prezidenti Administratsiyasining AQSHdagi vakili lavozimi joriy etiladi.

Teglar

AQSH O‘zbekiston investitsiya Import eksport elchi

Mavzuga oid

11.11.2025 | 21:05

AQSH safaridan so‘ng ilk marta Mirziyoyev va Putin gaplashib oldi

Ular ikki tomonlama munosabatlarni rivojlantirish masalalarini muhokama qilgan.

10.11.2025 | 14:55

Shavkat Mirziyoyev: Aholi daromadlarining katta qismini dori-darmonga sarflamoqda

Ayni paytda Toshkentda Prezident Shavkat Mirziyoyev tibbiyot va farmatsevtika xodimlari bilan uchrashuv o‘tkazmoqda.

12.11.2025 | 20:15

Prezidentga inflyatsiyani jilovlash va makroiqtisodiy barqarorlashtirish bo‘yicha axborot berildi

Shavkat Mirziyoyevga inflyatsiyani yanada pasaytirish va makroiqtisodiy barqarorlikni ta’minlash bo‘yicha chora-tadbirlar yuzasidan ma’lumot berildi.

10.11.2025 | 11:55

Raqobat qo‘mitasi iste’molchilarni ogohlantirdi

Raqobat qo‘mitasi iste’molchilarni biologik faol qo‘shimchalarni «dori» sifatida taqdim etayotgan reklamalarga ishonmaslikka chaqirdi. Hozirga qadar qo‘mitaga ushbu mahsulotlar bo‘yicha 2 345 dan ortiq fuqarolik murojaatlari kelib tushgan.

Kecha 21:10

«Sifatsiz xizmatga adolatsiz to‘lov usuli» — Fikr vaqti

Fikr vaqti dasturining navbatdagi sonida chiqindidan qarzdor abonentlarning elektrdan uzilishi, bu tartibga jamoatchilik munosabati, chiqindi tashish xizmatida sifat masalasi, chiqindi chiqarmaydigan uylar va yana bir og‘riqli mavzu “JEK”dagi muammolar masalalari tahlil qilindi.

09.11.2025 | 15:04

Toshkentda uy-joylari buzilgan fuqarolarga 181,8 mlrd so‘m kompensatsiya to‘landi

Toshkent shahrida fuqarolar va yuridik shaxslar buzilgan uy-joylari, ishlab chiqarish binolari va boshqa inshootlari uchun kompensatsiya olish bo‘yicha 63 ta ish ko‘rib chiqilgan.