Toshkent klubida chuqur inqiroz: «Bunyodkor» pul yo‘qligi sabab Navoiyga bora olmadi

Bugun 21:321 daqiqa

Klub «Qizilqum»ga qarshi 30-iyul kungi o‘yinda ishtirok etish uchun yo‘l chiptasi, mehmonxona va ovqatlanish xarajatlariga pul topolmagan.

Toshkent klubida chuqur inqiroz: «Bunyodkor» pul yo‘qligi sabab Navoiyga bora olmadi

«Bunyodkor» Superliganing 15-turidan o‘rin olgan «Qizilqum»ga qarshi uchrashuvda ishtirok eta olmasligini Professional futbol ligasiga rasman ma’lum qildi. Mazkur o‘yin 30-iyul kuni Navoiy shahrida o‘tkazilishi rejalashtirilgan edi.

PFL ma’lumotiga ko‘ra, klub Ligaga yo‘llagan xatda og‘ir moliyaviy ahvol tufayli jamoani safarga yuborish imkoni yo‘qligini bildirgan. Xususan, yo‘l chiptalari, mehmonxona xarajatlari va delegatsiya a’zolarining ovqatlanishi uchun mablag‘ mavjud emasligi qayd etilgan.

Avvalroq jamoa bosh murabbiyi va bir qator futbolchilar ham bir necha oydan beri maosh olmayotgani hamda klub bazasida jiddiy muammolar mavjudligini ochiq aytgan edi.

Texnik mag‘lubiyat yoziladi

PFLning bildirishicha, Superliga reglamentiga muvofiq, «Qizilqum» — «Bunyodkor» uchrashuvida ishtirok etmagan mehmon jamoaga texnik mag‘lubiyat yoziladi.

Shu bilan birga, agar mavsum davomida bunday holat yana bir marta takrorlansa, «Bunyodkor»ni Superliga musobaqasidan chetlashtirish masalasi Liga Ijroiya qo‘mitasi muhokamasiga kiritiladi.

PFL, shuningdek, «Qizilqum» — «Bunyodkor» uchrashuvini tashkil etish bilan bog‘liq barcha tashkiliy ishlar to‘xtatilganini ma’lum qildi.

Teglar

Superliga futbol «Bunyodkor»«Qizilqum»PFL texnikmag‘lubiyat

Mavzuga oid

Bugun 20:47

O‘zbekiston va Qirg‘iziston pensiya ta’minoti bo‘yicha yangi bitim imzoladi

Hujjatga ko‘ra, endi ikki mamlakatda ishlagan fuqarolarning staji inobatga olinadi va ular boshqa davlatga ko‘chgan taqdirda ham pensiya olish imkoniyati saqlab qolinadi.

Bugun 18:20

«Xalq banki» reklama va kreativ xizmatlar uchun 15 mlrd so‘mdan oshiq tender o‘tkazmoqda

Mablag‘ning qariyb 10 mlrd so‘mi bank mahsulotlarini TVda reklama qilishga yo‘naltiriladi. Yana 4,2 mlrd so‘mga kreativ platforma va videoroliklar ishlab chiqish, 925 mln so‘mga esa Toshkentdagi LED ekranlarga reklama joylashtirish rejalashtirilgan. Texnik topshiriqlarda ayrim bir-biriga mos kelmaydigan talablar ham bor.

Bugun 19:43

O‘zbekistonliklar Qirg‘izistonda 15 kungacha ro‘yxatdan o‘tmasdan yurishi mumkin bo‘ldi

Tegishli protokol Shavkat Mirziyoyev va Sadir Japarov o‘rtasidagi muzokaralar yakunida imzolandi.

Bugun 19:55

Paynet yarim yilda 615 mlrd so‘m sof foyda oldi

Kompaniyaning sof foydasi bir yilda 3,1 baravar oshgan. Biroq 615,5 mlrd so‘mlik foydaning 321,1 mlrd so‘mi — yarmidan ko‘pi Humo’dan olingan dividend hisobiga shakllangan.

Bugun 19:15

O‘zbekiston va Qirg‘iziston o‘rtasida ittifoqchilik munosabatlari o‘rnatildi

Davlat rahbarlari huzurida yana 11 ta ikki tomonlama hujjatlar almashildi.

Bugun 16:35

Toshkent shahrida to‘rtta ramziy darvoza quriladi

Poytaxtdagi «Chorsu» va «Eski Juva» rekonstruksiya qilinib, shaharda to‘rtta ramziy darvoza, «Yoshlar shaharchasi», ekobog‘lar va yangi turistik maskanlar quriladi.