Уй-жой учун ипотека: қайси банклар энг паст фоизли кредитларни таклиф қилмоқда?

Ўзбекистон Марказий банкининг 2026-йил 15-июн ҳолатига кўра, аҳоли учун ипотека кредитлари бўйича ўртача фоиз ставкаси 22,4 фоизни ташкил этган.

Энг паст ипотека фоиз ставкасини 18,0 фоиз билан «OFB» таклиф қилмоқда. Шунингдек, «Asakabank»да ипотека кредити 19,6 фоиз, «Agrobank»да 20,8 фоиз, «SQB»да 21,0 фоиз ва «Milliy bank»да 21,1 фоиздан ажратилмоқда.

Шунингдек, «Ipoteka bank» 21,7 фоиз, «Hamkorbank» 22,0 фоиз, «BRB» 23,2 фоиз ҳамда «Xalq banki» 23,3 фоиз ставкада ипотека кредитларини тақдим этмоқда. «Aloqabank»да мазкур кўрсаткич 24,0 фоизни ташкил қилган.

Ўрта ва юқори сегментдаги банклар қаторида «Trastbank» 24,4 фоиз, «Mikrokreditbank» 24,8 фоиз, «Ипак Йўли банк» ва «Infinbank» 24,9 фоиз ставка билан ипотека кредитларини таклиф этмоқда.

Энг юқори ипотека фоиз ставкалари «Asia Alliance Bank»да 25,4 фоиз, «Universal bank» ва «Turon bank»да 26,0 фоиз ҳамда «Davr bank»да 27,0 фоизни ташкил этган.

Марказий банк маълумотларига кўра, жисмоний шахсларга ажратилган кредитлар бўйича ўртача фоиз ставкаси 23,1 фоизни, юридик шахсларга ажратилган кредитлар бўйича эса 22,8 фоизни ташкил қилган.

Маълумот учун, Ўзбекистонда 5 ойда қарийб 11 трлн сўм ипотека кредитлари ажратилган бўлиб, кредитларининг ҳар учдан биттаси Тошкент шаҳри ҳиссасига тўғри келган.