Vaqt.uz jamoasiga qo‘shiling

Vaqt.uz sizga shunday imkoniyat taqdim etadi. Biz quyidagi yo‘nalishda xodimlar qidirmoqdamiz:

Xabar tayyorlovchi jurnalist

Agar siz tezkor axborot bilan ishlashni bilsangiz, yangiliklarni tahlil qilib, qisqa va tushunarli xabar tayyorlay olsangiz, ushbu vakansiya siz uchun.

Sizning vazifangiz:
• O‘zbekiston va dunyodagi muhim voqealar haqida tezkor xabarlar (asosan iqtisodiy) tayyorlash;
• Yangiliklarni o‘zbek tilida operativ ravishda saytga uzatish;
• Mahalliy va xorijiy manbalar bilan ishlash;
• Axborotlarni tekshirish va qayta ishlash.

Biz sizdan kutamiz:
• O‘zbek tilida ravon va savodli yozish;
• Ingliz va rus tillarini bilish;
• Kamida 2 yillik ish tajribasi;
• Oliy ma’lumot to‘g‘risidagi diplom;
• Yangiliklarga qiziqish, tezkorlik va mas’uliyat.

Muharrir

Tahririy tajribaga ega, matn sifati va faktlar aniqligiga mas’uliyat bilan yondashadigan mutaxassislarni jamoamizga taklif qilamiz.

Sizning vazifangiz:
• Materiallarni tahrirlash va sifat nazoratini ta’minlash;
• Faktlarni tekshirish va manbalar ishonchliligini baholash;
• Jurnalistlar bilan ishlash va ularga tahririy ko‘mak berish;
• Tahririy standartlarga rioya etilishini nazorat qilish;
• Kontent oqimi va kun tartibini boshqarish;
• Sarlavhalar va SEO optimallashtirish ustida ishlash.

Biz sizdan kutamiz:
• O‘zbek tilini mukammal bilish;
• Ingliz va/yoki rus tilini bilish;
• Kamida 3 yillik ish tajribasi;
• Tahririy jarayonlarni chuqur tushunish;
• Tanqidiy fikrlash va jamoa bilan ishlash ko‘nikmalari.

Biz nima taklif qilamiz?
• Kelishilgan miqdordagi munosib ish haqi;
• Haftasiga 5 kunlik ish grafigi;
• Toshkent markazidagi qulay ofis;
• Professional, erkin va ijodiy muhit;
• Mamlakatning eng muhim voqealari markazida ishlash imkoniyati.

Mos nomzodlar o‘z rezyumelarini telegram orqali @Farkhadovna_Madinabonu akkauntiga yuborishlari mumkin. Biz jamoaga mas’uliyatli va tajribali mutaxassislarni qabul qilamiz.