Авиарейс кечикса, йўловчиларга компенсация тўланадими? Рақобат қўмитаси ўрганиш бошлади

Bugun 22:271 daqiqa

2026-йилнинг биринчи ярмида ҳаво транспорти хизматлари бўйича истеъмолчилар мурожаатлари ўтган йилнинг мос даврига нисбатан 4,1 баробар кўпайиб, 300 тадан ошди. Мурожаатларда рейсларнинг бир неча соатга кечикиши, йўловчиларга ўз вақтида ахборот берилмаслиги ва сифатсиз хизмат кўрсатилиши каби ҳолатлар қайд этилган.

Авиарейс кечикса, йўловчиларга компенсация тўланадими? Рақобат қўмитаси ўрганиш бошлади

Рақобат қўмитаси маълум қилишича, 2026-йил январь–июнь ойларида ҳаво транспорти хизматлари бўйича истеъмолчилардан 300 дан ортиқ мурожаат келиб тушган. Бу ўтган йилнинг шу даврига нисбатан 4,1 баробар кўп.

Мурожаатларда асосан авиарейсларнинг бир неча соатга кечикиши, йўловчиларга рейс ҳолати ҳақида ўз вақтида ва аниқ маълумот берилмаслиги, хизматлар сифатининг пастлиги ҳамда амалда кўрсатилмаган хизматлар учун ҳақ олинишига оид шикоятлар билдирилган.

Қўмита ўрганишлари давомида айрим ҳолатларда ташувчининг айби билан кечиккан рейслар бўйича йўловчиларга компенсация ёки муқобил ечим таклиф этилмагани аниқланган.

Қайд этилишича, бундай ҳолатлар фуқароларнинг вақти, маблағи ва режаларига жиддий таъсир кўрсатиши мумкин.

Шу муносабат билан Рақобат қўмитаси маҳаллий авиарейслар ташувчининг айби билан кечиккан ҳолатларда йўловчиларга компенсация тўланиши, шунингдек, истеъмолчилар ҳуқуқларига риоя этилиши ҳолатларини очиқ манбалар асосида ўрганмоқда.

Қўмита авиакомпанияларга рақамли платформаларидаги ахборотларни тўлиқ тақдим этиш ва уларни амалдаги қонунчилик талабларига мувофиқлаштириш зарурлигини эслатди.

Фуқаролардан эса ҳаво транспорти хизматлари билан боғлиқ ўз таклиф ва эътирозларини Рақобат қўмитасига юбориш сўралaди.

Teglar

авиакомпаниялар ҳаво транспорти рейс кечикиши авиарейслар йўловчилар йўловчилар ҳуқуқи Рақобат қўмитаси истеъмолчилар ҳуқуқи компенсация шикоятлар Ўзбекистон авиахизматлар

Mavzuga oid

07.09.2026 | 18:40

Жон бошига 6,5 минг доллар: Ўзбекистон 2030-йилгача 300 млрд долларлик иқтисодиётга айлана оладими?

2030-йилгача иқтисодиётни 300 млрд долларга етказиш мақсади қўйилди. Vaqt.uz халқаро прогнозлар, иқтисодчилар фикри ва Марказий Осиё давлатларининг кўрсаткичларини таҳлил қилиб, бу марранинг қанчалик реал эканини ўрганди.

10.09.2026 | 08:00

Ўзбекистонда аҳоли жон бошига даромад 20 йилда 520 доллардан 3,7 минг долларга етди

Бироқ мамлакат ҳали ҳам даромади ўртачадан паст мамлакатлар гуруҳида қолмоқда.

10.09.2026 | 16:00

Урушлар, санкциялар, инқирозлар: глобал тебранишлар нефт нархларига қандай таъсир қилди?

Кўп йиллардан бери дунёдаги вазиятнинг асосий кўрсаткичларидан бири фонд бозори бўлиб келмоқда. Инвесторлар сайёрада юз бераётган турли хил кескин воқеаларга жуда тез муносабат билдиради. Урушлар, табиий офатлар, сиёсий режимларнинг алмашиши, ҳатто ижтимоий тармоқлардаги хабарлар ҳам — буларнинг барчаси нархларда ўз аксини топади. Инвесторлар учун навбатдаги катта зарба АҚШ ва Исроилнинг Эронга қилган ҳужуми бўлди. Вазиятнинг кескинлашиши нефт нархининг жуда тез кўтарилишига олиб келди. Келинг, тарихда нефт нархининг шундай кескин ўзгаришларига сабаб бўлган бошқа воқеаларни ҳам эслаймиз.

09.09.2026 | 10:16

Ўзбекистоннинг қўшнилари билан савдоси қандай ўзгарди?

Ўзбекистоннинг етти ойлик ташқи савдоси 49,5 млрд долларга етди. Шундан 5,4 млрд долларлик савдо Марказий Осиёдаги тўрт қўшни давлатга тўғри келган. Улар орасида Қозоғистон Ўзбекистоннинг энг йирик савдо ҳамкори бўлиб, минтақадаги савдонинг 61 фоизини ташкил этган.

08.09.2026 | 08:00

Ўзбекистон иқтисодиётида сўнгги беш йилдаги энг юқори натижа қайд этилди

Марказий Осиё иқтисодиёти жадал ўсишда давом этмоқда. Ўзбекистон ярим йиллик натижа бўйича минтақа давлатлари орасида иккинчи ўринни эгаллади.

Bugun 20:39

Ўзбекистонга 8 ойда 54,8 мингта электромобиль импорт қилинди

Январь–август ойларида мамлакатга олиб кирилган электромобилларнинг умумий қиймати 614,4 млн долларни ташкил этди. Бир дона электромобилнинг ўртача импорт нархи эса ўтган йилга нисбатан 9,5 фоизга арзонлаган.