Ижтимоий тармоқлар рейтинги: қайси банклар фаолроқ?

SNS Ratings 2026 йил март ойи учун Ўзбекистон банкларининг ижтимоий тармоқлардаги фаоллиги бўйича янги рейтингни эълон қилди. Унда жами 33 та тижорат банкининг натижалари қамраб олинган.

Рейтингни шакллантиришда банкларнинг Instagram, Telegram, Facebook, YouTube, LinkedIn ҳамда X (Twitter) каби асосий платформалардаги фаоллиги инобатга олинган. Хусусан, контент янгиланиши, аудитория билан мулоқот, обуначилар сони ва умумий қамров каби кўрсаткичлар асосий мезон сифатида баҳоланган.

Маълумотларга кўра, рейтингда иштирок этган банкларнинг ижтимоий тармоқлардаги умумий аудиторияси 3 миллион нафардан ошиб кетган. Энг фаол тармоқ сифатида Instagram эътироф этилган.

Ўтган йилнинг мос даври билан солиштирганда банкларнинг ижтимоий тармоқлардаги фойдаланувчилари сони 1,1 миллион нафарга ошган. Ўтган йилда энг фаол банк сифатида “Anorbank” етакчилик қилган бўлса, ҳозирги рейтингда биринчи ўринни “TBC Bank” эгаллаб турибди. Қайд этилишича, мазкур банк 2025 йил март ойидан буён етакчиликни қўлдан бой бермаган.

Шунингдек, “TBC Bank”нинг Instagram саҳифаси банклар орасида энг кўп обуначига эга ҳисобланади. Бошқа платформалар кесимида эса Халқ банки Telegram'да, “Kapitalbank” Facebook'да, “Agrobank” эса You Tube'да энг кўп обуначиларга эга банклар сифатида қайд этилди.

Telegram'даги Топ-10:

Inatagram'даги Топ-10:

Facebook'даги Топ-10:

You Tube'даги Топ-10:

Эслатиб ўтамиз, аввалроқ Ўзбекистондаги банк ва финтех компанияларининг мобил иловалари рейтинги ҳақида маълумот берган эдик.