Жанубий Корея Ўзбекистон IT-таълими учун 14 млн доллар грант ажратади

Bugun 18:101 daqiqa

Жанубий Корея халқаро ҳамкорлик агентлиги (KOICA) Ўзбекистонда IT-таълим экотизимини такомиллаштиришга қаратилган янги грант лойиҳасини молиялаштиради.

Жанубий Корея Ўзбекистон IT-таълими учун 14 млн доллар грант ажратади

Ўзбекистон ахборот технологиялари соҳасида таълим тизимини ривожлантириш учун Жанубий Кореядан 14 миллион долларлик грант олади. Лойиҳа доирасида Нукус ва Қаршида IT-хаблар ташкил этилиб, рақамли касблар бўйича мутахассислар тайёрланади. Бу ҳақда Рақамли технологиялар вазирлиги маълум қилди.

Лойиҳанинг умумий қиймати 14 миллион долларни ташкил этади ва барча харажатлар Жанубий Корея томонидан қопланади. Ташаббуснинг асосий мақсади ёшлар бандлиги ва технологик тадбиркорликни қўллаб-қувватлашдан иборат.

14 та IT-марказ ишга туширилади

Лойиҳа доирасида Нукус ва Қарши шаҳарларида замонавий IT-хаблар ташкил этиш, шунингдек етти туманда жами 14 та IT-марказни ишга тушириш режалаштирилган. Қурилиш ва жиҳозлаш ишлари 2026 йилдан 2032 йилгача босқичма-босқич амалга оширилади.

Таълим дастури орқали ёшлар сунъий интеллект, промпт-инжиниринг, дастурлаш, нарсалар интернети (IoT) ва онлайн-маркетинг йўналишларида билим олади. Тўрт йиллик дастур доирасида 500 нафар мутахассис ва ўқитувчи тайёрланиши кўзда тутилган.

Шу билан бирга, кореялик экспертлар стартаплар учун инкубация дастурларини йўлга қўйишда ҳам амалий ёрдам беради. Лойиҳа Ўзбекистон таълим тизимини модернизация қилиш, инновацион бизнесни мустаҳкамлаш ва мамлакатнинг рақамли иқтисодиётини ривожлантиришга хизмат қилиши кутилмоқда.

Teglar

Жанубий Корея Нукус Қарши KOICA Ўзбекистон IT-таълим

Mavzuga oid

Bugun 12:35

Саида Мирзиёева Самарқандга борди

Ташриф давомида Тойлоқ ва Ургут туманларида бўлиб, ичимлик суви тармоқларини реконструкция қилиш жараёни, янги барпо этилаётган турар жойлар, таълим ва тиббиёт муассасалари фаолияти ҳамда фермер хўжаликларидаги ишлар билан танишди.

Kecha 18:11

Саноат зоналаридаги 213 гектар ерда лойиҳалар бошланмаган

Хорижий инвестиция иштирокидаги айрим корхоналар фақат импорт билан чекланиб қолмоқда.

Kecha 16:57

Саноат режасига чиқа олмаган 13 ҳоким жазоланади

Иқтисодиёт ва молия вазирлигига бу йил 100 та корхонада самарадорликни ошириш учун 30 миллион доллар грант жалб қилиш топширилди.

Kecha 17:15

Ўзбекистонликлар камроқ автокредит олмоқда

Йил бошидан бери аҳоли олган кредитлар ўсган бўлсада, автокредитлар камайди. Бизнес учун кредитлар аҳолиникидан ҳам тезроқ ўсмоқда.

Kecha 22:09

Пойтахтда 545 та «ақлли» светофор ва 600 дан ортиқ кузатув камералари ўрнатилади

Халқ депутатлари Тошкент шаҳар Кенгаши жамоат транспортини яхшилаш бўйича янги чораларни тасдиқлади. Режада 240 та янги автобус, 56 км алоҳида йўлак ва 70 та янги бекат қуриш белгиланган.

Kecha 22:25