Мирзо-Улуғбек Абдусаломов Конституциявий суд судяси этиб қайта сайланди

Бугун, 6 феврал куни Олий Мажлис Сенатининг ўн учинчи ялпи мажлисида Сенат қарорига мувофиқ Мирзо-Улуғбек Абдусаломов Конституциявий суд судяси лавозимига қайта сайланди. У мазкур лавозимда 2021 йил 5 февралдан буён ишлаб келаётган эди.

Эслатиб ўтамиз, 2024 йил январ ойида «Конституциявий суд тўғрисида»ги қонунга киритилган ўзгартиришларга кўра, Конституциявий суд судялари энди қайта сайланиш ҳуқуқисиз 10 йиллик муддатга сайланади. Аввал судялар 5 йилга, кейин эса навбатдаги сайловда 10 йилга сайланган.

Маълумот учун, Мирзо-Улуғбек Абдусаломов 1952-йилда туғилган. У Тошкент давлат университетини ҳуқуқшунослик мутахассислиги ва ҳуқуқшунослик фанлари доктори (PhD) даражаси билан тамомлаган. У Ўзбекистонда хизмат кўрсатган юрист унвонига эга.

1995 йилдан 2004 йилгача Ўзбекистон Республикаси Олий хўжалик суди раиси, 2004 йилдан 2005 йилгача эса Ўзбекистон Республикаси Конституциявий суди раиси, 2005 йил 7 майдан 2021 йилгача Ўзбекистон Республикаси Марказий сайлов комиссияси раиси лавозимида ишлаган.