Мукофот жамғармаси 5 миллион доллар бўлган Президент стартап танловига старт берилди

Bugun 21:302 daqiqa

Шунингдек, Нурафшон шаҳрида 500 миллион долларлик Келажак технологиялари маркази қурилиши бошланди.

Мукофот жамғармаси 5 миллион доллар бўлган Президент стартап танловига старт берилди

Ўзбекистонда инновацион ғояларни рағбатлантириш мақсадида мукофот жамғармаси 5 миллион доллар бўлган Президент стартап танловига старт берилди. Шунингдек, жорий йилнинг ўзида мамлакатда венчур инвестициялар ҳажми 5 баробар кўпайиб, миллий стартап экотизими қарийб 4,5 миллиард долларга етди. Бу ҳақда Президент Шавкат Мирзиёев Нурафшон шаҳрида Келажак технологиялари марказига тамал тоши қўйиш ва янги лойиҳаларни бошлаш маросимида маълум қилди.

Тадбирда умумий майдони 36 гектар бўлган Келажак технологиялари маркази қурилиши бошланиши ҳам қайд этилди. Ушбу мажмуа қурилишига қарийб 500 миллион доллар инвестиция жалб қилинади ҳамда бу ерда 5 мингдан ортиқ юқори малакали иш ўрни ташкил этилади. Марказ 5 мегаваттли энергетика қувватлари билан таъминланади.

Марказ таълим, илмий тадқиқот, технологик синов ва ишлаб чиқаришни бирлаштирадиган ягона инновацион экотизим бўлиши кўзда тутилган. Кластерда киберхавфсизлик, сунъий интеллект, булутли технологиялар ва криптография йўналишларида 6 та замонавий лаборатория, сунъий интеллект дата-маркази ва муҳандислик кластери ташкил этилади. Бундан ташқари, ҳимояланган компютерлар, маълумот узатиш қурилмалари ва юқори технологик токенлар ишлаб чиқариш маркази ҳамда дрон ва робототехника учун махсус синов полигони фаолияти йўлга қўйилади.

Яхлит инновацион кластер

Ушбу мажмуа учун Нурафшон шаҳри танланганига бу ерда киберхавфсизлик ва ахборот ҳимояси бўйича қарийб 1 минг нафар мутахассис тайёрлаётган “Cyber University” фаолият юритаётгани сабаб қилиб кўрсатилди. Энди университет атрофида бутун мамлакат учун намуна бўладиган яхлит инновацион кластер шакллантирилади. Осиё тараққиёт банки кўмагида эса маҳаллий технологияларни тижоратлаштириш ва миллий маҳсулотларни халқаро бозорларга олиб чиқиш платформаси яратилади.

Шунингдек, йиғилишда рақамлаштиришни ортга сурган ва сунъий интеллектни ўзлаштирмаган давлатлар глобал ривожланишдан орқада қолиши таъкидланди. Ҳаётнинг барча жабҳаларини рақамлаштириш билан жиддий шуғулланмасдан туриб, ривожланиш мумкин эмаслиги алоҳида қайд этилди.

Teglar

Президент инновация Шавкат Мирзиёев рақамлаштириш.сунъий интеллект стартап танлови венчур инвестициялар Келажак технологиялари маркази

Mavzuga oid

Bugun 17:55

Олтин нархи ўсиши бюджетга 70 трлн сўмдан ортиқ қўшимча даромад келтиради

Жаҳон бозорида олтин нархининг кутилганидан юқори шаклланиши ва солиқ маъмуриятчилигидаги ўзгаришлар натижасида Ўзбекистон давлат бюджети даромадлари 2026-йилда режадан анча юқори бўлиши кутилмоқда.

Bugun 15:29

Президент Тошкент – Самарқанд янги автомобил йўли қурилишига старт берди

Янги магистрал ишга тушгач, Тошкентдан Самарқандга етиб бориш вақти 5 соатдан 2,5 соатга қисқаради. Йўл суткасига 60 мингдан 80 мингтагача транспорт воситасини ўтказади, юк ташиш таннархи эса 20-24 фоизга пасайиши кутилмоқда.

Bugun 10:22

Давлат активларини сотиб олишда аванс 30 фоиздан 15 фоизга камайтирилади

Ўзбекистонда давлат активларини хусусийлаштириш шартлари енгиллаштирилмоқда. Энди тадбиркорлар учун аванс тўлови икки баравар камаяди ва қолган маблағни фоизсиз бўлиб тўлаш мумкин бўлади.

Bugun 19:10

Ҳафталик нархлар таҳлили : маҳсулотлар нархи қандай ўзгарди?

Сабзавот ва меваларда мавсумий арзонлашув давом этаётган бир пайтда, асосий истеъмол маҳсулотларидан бири гўшт нархлари бу ҳафта деярли ўзгармади. Шу билан бирга, мол гўштининг энг юқори нархи Тошкент шаҳри ва Жиззах вилоятида қайд этилган бўлса, энг арзон нарх Қорақалпоғистонда кузатилди.

Bugun 08:00

Россия Ўзбекистоннинг 5 та корхонасига мева-сабзавот экспортини тақиқлади

Чекловга тушган товарларнинг асосий ҳажмини карам, пиёз, помидор, узум, кўкатлар ва бошқа қишлоқ хўжалиги маҳсулотлари ташкил қилади.

Bugun 17:41

Давактив собиқ раҳбари Акмалхон Ортиқовга оид жиноят иши ҳам судга оширилди

Акмалхон Ортиқовга нисбатан ўзлаштириш ёки растрата, мансаб ваколати доирасидан четга чиқиш ҳамда мансаб сохтакорлигига оид кўп эпизодли жиноят иши Жиноят ишлари бўйича Миробод туман судида биринчи инстанцияда кўриб чиқилмоқда.