Ўзбекистон банклари «Золотая Корона» орқали пул ўтказишни тўхтатмоқда

Bugun 19:201 daqiqa

Тўлов тизимига алоқадор ташкилот Европа Иттифоқи санкцияларига тушганди. Банклар «Золотая Корона» орқали пул ўтказиш вақтинча тўхтатилганини айтмоқда.

Ўзбекистон банклари «Золотая Корона» орқали пул ўтказишни тўхтатмоқда

Ўтган ҳафтада Европа Иттифоқи 21-санкциялар пакети доирасида Россиянинг «Золотая Корона» операторини санкциялар рўйхатига киритди.

Шундан сўнг, Ўзбекистондаги банклар бирин-кетин бу хизмат орқали пул ўтказмаларини амалга оширишни тўхтатмоқда.

Дастлаб, «Асакабанк» ва «Агробанк» «Золотая Корона» пул ўтказмалари вақтинча тўхтатилганини, тизимда техник ишлар олиб борилаётганини маълум қилди.

Кейинчалик «Алоқабанк» ва «Микрокредитбанк» ҳам санкцияга тушган тизим билан пул ўтказмалари тўхтатилганини эълон қилди.

Хабар қилинишича, санкциялар ҳозирда фақат «Золотая Корона» оператори ва ҳисоб-китоб маркази ҳисобланувчи «Платёжный Центр»га нисбатан қўлланилган. Тўлов тизимининг ўзига нисбатан санкциялар жорий қилинмаган.

Шунга қарамай, рискларнинг олдини олиш ва назорат қилиш мақсадида давлат банклари тизим билан ҳамкорликни қайта кўриб чиқмоқда.

Аксарият хусусий банклар 2024-йилнинг ёзидаёқ «Золотая Корона» орқали пул ўтказмаларини тўхтатган эди. Ўшанда тўлов тизимига алоқадор компания АҚШ санкцияларига тушганди.

Teglar

банклар санкциялар тўловлар «Золотая Корона»

Mavzuga oid

22.07.2026 | 13:25

Янги ҳафтада ҳам банкларда автокредитларнинг ўртача фоизи рекорд даражада пасайди

Бу кўрсаткич Марказий банк микроқарз ва автокредитлар бўйича ҳафталик фоиз ставкаларини эълон қила бошлаганидан бери қайд этилган энг паст даража бўлди.

24.07.2026 | 20:10

Қайси банклар фоизсиз автокредит бермоқда?

Onix, Tracker, Damas ва Labo учун бир нечта банк фоизсиз автокредит таклиф қилмоқда. BYD, KIA, Chery, Haval, Hyundai ва бошқа автомобилларда ҳам 0 фоизли кредитлар кўпайган. Аммо аксарият рекламалардаги 0 фоизли кредитни катта бошланғич тўлов билан қисқа муддатга олиш мумкин.

Bugun 11:41

Банклардаги муаммоли кредитлар ҳажми ярим йилда қарийб 5 трлн сўмга ошди

2026-йилнинг биринчи ярмида Ўзбекистон банкларида муаммоли кредитлар ҳажми қарийб 5 трлн сўмга кўпайди. Ўсишнинг қарийб тўртдан уч қисми давлат банклари ҳиссасига тўғри келган.

24.07.2026 | 15:25

«BRB» ва «Xalq banki» ҳам хусусийлаштирилади

Янги Фискал стратегияга кўра, давлат улуши фақат «Milliy bank», «Agrobank» ва «MKBANK»да сақлаб қолинади.

23.07.2026 | 18:47

Payme ярим йилда 206 млрд сўм фойда олди

Компания даромадини 50,6 фоизга оширган бўлса-да, соф фойда ўсиши 23,6 фоизни ташкил этди. Иккинчи чоракнинг ўзида эса тушум кўпайишига қарамай, фойда бироз камайган.

22.07.2026 | 22:19

Битта код, турли иловалар: UzQR тизими қандай ишлайди?

1-июлдан савдо ва хизмат кўрсатиш соҳасидаги юридик шахслар UzQR орқали тўлов қабул қилиши шарт. Ягона QR-код қандай ишлайди, комиссияни ким тўлайди ва унинг бошқалардан фарқи қандай?