Ўзбекистонда Amazon Leo интернети ишга тушади

Bugun 10:582 daqiqa

Тошкент халқаро инвестиция форуми доирасида Amazon Leo ва «UZ-SAT» ўртасида Ўзбекистонда юқори тезликдаги сунъий йўлдош интернетини жорий этиш бўйича келишув имзоланди.

Ўзбекистонда Amazon Leo интернети ишга тушади

16–18 июн кунлари пойтахтда ўтаётган V Тошкент халқаро инвестиция форуми доирасида АҚШнинг Amazon Leo компанияси ҳамда «UZ-SAT» қўшма корхонаси ўртасида стратегик ҳамкорлик келишуви имзоланди.

Ҳужжат Ўзбекистон ҳудудида юқори тезликдаги сунъий йўлдош интернет хизматларини йўлга қўйишни назарда тутади. Лойиҳа, аввало, телекоммуникация инфратузилмаси етарли даражада ривожланмаган ёки умуман мавжуд бўлмаган олис ҳудудларни интернет билан қамраб олишга хизмат қилади.

Интернет чекка ҳудудларгача етиб боради

Amazon Leo тармоғи фойдаланувчиларга нафақат йирик шаҳарлар, балки тоғли ва бориш қийин бўлган аҳоли пунктларида ҳам кенг полосали интернетдан фойдаланиш имконини беради.

Бу лойиҳа мамлакатда рақамли хизматлар қамровини кенгайтириш, масофавий таълим, электрон хизматлар ва бизнес имкониятларини ривожлантиришга хизмат қилиши кутилмоқда.

3 мингдан ортиқ сунъий йўлдошдан иборат тизим

Маълумотларга кўра, Amazon Leo тизими 3 мингдан ортиқ паст орбитал сунъий йўлдошлар гуруҳи асосида ишлайди. Улар оптик алоқа каналлари орқали ўзаро боғланган бўлиб, ер усти станциялари, оптик толали тармоқлар ва интернет алмашув нуқталари билан интеграция қилинган.

Фойдаланувчилар тармоққа Amazon Leo Nano, Amazon Leo Pro ва Amazon Leo Ultra қурилмалари орқали уланади. Ушбу ихчам антенналар дунёнинг деярли исталган нуқтасида юқори тезликдаги интернетдан фойдаланиш имконини беради.

Рақобат кучайиши мумкин

Amazon Леўнинг Ўзбекистон бозорига кириши сунъий йўлдош интернети сегментида рақобатни кучайтириши, хизматлар сифати ва қамровини яхшилаши мумкин.

Шунингдек, лойиҳа мамлакатнинг рақамли трансформацияси ва чекка ҳудудларни интернет билан таъминлаш дастурларига қўшимча туртки бериши кутилмоқда.

Эслатиб ўтамиз, аввалроқ Starlink'нинг нега Ўзбекистонда ишга тушмаётганлиги ҳақида маълумот берган эдик.

Teglar

интернет телекоммуникация сунъий йўлдош интернети рақамлаштириш Amazon Leo UZ-SAT

Mavzuga oid

Kecha 20:46

Туркия компанияси Coca-Cola Uzbekistan’нинг тўлиқ эгасига айланган

Coca-Cola Uzbekistan тўлиқ сотиб олинди. TXIF-2026 да Туркиянинг “Anadolu Group” холдинги компаниянинг қолган улушини ҳам қўлга киритиб, ягона эгага айланганини маълум қилди.

Kecha 20:58

Ўзбекистон ислом молиясининг глобал марказларидан бирига айланиши мумкин — TIIF-2026

Тошкент халқаро инвестиция форумида ислом молиясини ривожлантириш, унинг ҳуқуқий базаси, Форс кўрфази давлатларидан инвестицияларни жалб этиш истиқболлари муҳокама қилинди.

Kecha 21:30

Ҳар тўрт туристдан уч нафари қўшни давлатдан: Ўзбекистонда туризм қандай ривожланди?

2026 йилнинг дастлабки беш ойида Ўзбекистонга 5,35 миллион нафар хорижий фуқаро ташриф буюрди. Туристлар сони рекорд суръатларда ўсиб бораётган бўлса-да, оқимнинг қарийб 75 фоизи ҳамон Қирғизистон, Қозоғистон ва Тожикистон ҳиссасига тўғри келмоқда. Vaqt.uz туристик оқимнинг мамлакатлар кесимида таҳлил қилди.

Kecha 18:10

Ўзбекистонликлар ҳамон энг кўп коммунал хизматлар нархи ошишидан хавотирда

Май ойида аҳоли ва тадбиркорларнинг инфляцион кутилмалари пасайишда давом этган бўлса-да, коммунал хизматлар ҳамда ёқилғи-энергия нархларининг қимматлашишига оид хавотирлар сақланиб қолмоқда.

Kecha 17:30

Сўнги 5 ойда 5 миллиондан ортиқ сайёҳ Ўзбекистонга ташриф буюрди

Туристлари энг кўп келган ТОП-10 давлатлар қаторида Ғарбий Европа давлатларидан бири Германия ҳам қайд этилди. Ушбу мамлакатдан жами 18 291 нафар сайёҳ келган.

Kecha 23:00

Ўзбекистонликлар пулларини энг кўп қайси банкларда сақламоқда?

2026 йил 1 май ҳолатига Ўзбекистон банкларидаги жисмоний шахслар депозитлари 170,2 трлн сўмга етди. Аҳоли маблағларининг энг катта қисми Капиталбанк, Агробанк ва Миллийбанкда жамланган. Бешта етакчи банк ҳиссасига эса барча жисмоний шахслар депозитларининг ярми тўғри келмоқда.