O‘zbekistonda davlat qimmatli qog‘ozlari bilan ta’minlangan steyblkoinlar chiqarishga ruxsat berildi

Bugun 08:002 daqiqa

Ta’minot sifatida Markaziy bankdagi alohida hisobvaraqda zaxiraga qo‘yilgan milliy va xorijiy valutadagi pul mablag‘laridan foydalaniladi.

O‘zbekistonda davlat qimmatli qog‘ozlari bilan ta’minlangan steyblkoinlar chiqarishga ruxsat berildi

Endi O‘zbekistonda davlat qimmatli qog‘ozlarini ta’minotga qo‘ygan holda kripto-aktivlar (barqaror tokenlar) chiqarish mumkin bo‘ladi. Bu haqda Adliya vazirligi tomonidan 2026 yil 22-iyulda davlat ro‘yxatidan o‘tkazilgan hujjatda ma’lum qilindi.

Mazkur qaror Barqaror tokenlar aylanmasini tartibga solishning maxsus huquqiy rejimini taqdim etish tartibi to‘g‘risidagi nizomga kiritilgan o‘zgartirishlar (ro‘yxat raqami 3818-1) asosida qabul qilindi.

Unga ko‘ra, maxsus huquqiy rejim doirasida qiymati milliy yoki xorijiy valutaning nominal qiymatiga teng bo‘lgan tokenlarni milliy va xorijiy valuta bilan bir qatorda davlat qimmatli qog‘ozlari bilan ta’minlagan holda chiqarish tartibi belgilanmoqda.

Ta’minot shartlari va cheklovlar

Yangi tartibga muvofiq, ta’minot sifatida Markaziy bankdagi alohida hisobvaraqda zaxiraga qo‘yilgan milliy va xorijiy valutadagi pul mablag‘laridan foydalaniladi.

Shuningdek, emitentga tegishli bo‘lgan va Markaziy depozitariy tomonidan Markaziy bank foydasiga bloklangan davlat qimmatli qog‘ozlari ham ta’minot sifatida qabul qilinadi. Bunda emitent bloklangan davlat qimmatli qog‘ozlari bo‘yicha daromadlarni olish huquqini o‘zida saqlab qoladi.

Hujjatda belgilanishicha, alohida hisobvaraqdagi mablag‘lar qoldig‘i va bloklangan davlat qimmatli qog‘ozlarining nominal qiymati muomaladagi tokenlarning umumiy nominal qiymatidan kam bo‘lmasligi shart. Shu bilan birga, barqaror tokenlar ta’minotini shakllantirish maqsadida kredit, garovga olingan aktivlar yoki boshqa jalb qilingan mablag‘lardan foydalanish qat’iyan taqiqlanadi.

Qo‘shimcha qilinishicha, davlat qimmatli qog‘ozlari uchun depo hisobvaraqlarini ochish, ularni bloklash va blokdan chiqarish jarayonlari Depozitar operatsiyalar hisobini yuritish qoidalariga (ro‘yxat raqami 3628) muvofiq amalga oshiriladi.

Teglar

Markaziy bank steyblkoin Adliya vazirligi raqamli iqtisodiyot kripto-aktivlar davlat qimmatli qog‘ozlari O‘zbekiston barqaror tokenlar qonunchilikdagi yangiliklar.

Mavzuga oid

Kecha 19:22

O‘zbekistondagi ilk pulli yo‘l avgustda ochilishi mumkin

Urganch — Xiva avtomagistrali kelasi oyda ishga tushirilishi rejalashtirilmoqda. Shu bilan birga, Toshkent — Andijon avtomagistrali bo‘yicha xalqaro tender yakunlanish arafasida, Toshkent — Chorvoq yo‘li uchun esa hukumat xususiy sherikni aniqlamoqda.

Kecha 21:40

O‘zbekistonda yerlarni ijaraga berish muddati 49 yilgacha uzaytirilmoqda

Qonunchilik palatasining navbatdagi majlisida yer uchastkalariga bo‘lgan huquqlarni tizimlashtirishga qaratilgan qonun loyihasi qabul qilindi va Senatga yuborildi.

Kecha 18:47

Payme yarim yilda 206 mlrd so‘m foyda oldi

Kompaniya daromadini 50,6 foizga oshirgan bo‘lsa-da, sof foyda o‘sishi 23,6 foizni tashkil etdi. Ikkinchi chorakning o‘zida esa tushum ko‘payishiga qaramay, foyda biroz kamaygan.

Kecha 18:10

O‘zini o‘zi band qilganlar bo‘yicha qaysi vazirlik yolg‘on gapirmoqda va «ishli» ishsizlar uchun javob beradigan bormi?

So‘nggi kunlarda o‘zidan bexabar ishga joylashtirilgan fuqarolar haqidagi murojaatlar ortidan bandlik statistikasi va shaxsiy ma’lumotlar xavfsizligiga oid savollar ko‘paymoqda. Vaqt.uz fuqarolar murojaatlari va uch yillik statistikani o‘rganib, Bandlik vazirligidan mazkur masala yuzasidan izoh oldi.

Kecha 22:23

Bank ilovalarida bekor qilinadigan yuz nazorati, quruvchisi ma’lum bo‘lgan Toshkent — Samarqand pulli yo‘li va daromadining yarmidan ko‘pini qarzga sarflayotgan o‘zbekistonliklar — 23-iyul dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Kecha 17:34

Toshkent — Samarqand pulli yo‘lini quradigan kompaniya nomi ma’lum qilindi

Toshkent — Samarqand o‘rtasida quriladigan qariyb 2,2 mlrd dollarlik pulli avtomagistral loyihasi pudratchisi ma’lum bo‘ldi. Yangi trassani 2030-yilgacha foydalanishga topshirish rejalashtirilgan.