O‘zbekistonning Hindiston bilan savdosi so‘nggi 9 yilda 4 barobarga o‘sdi

Bugun 16:551 daqiqa

2016–2025-yillarda ikki davlat o‘rtasidagi tovar ayirboshlash 1,3 mlrd dollarga yetdi. Investitsiyalar hajmi ham sezilarli darajada oshgan.

O‘zbekistonning Hindiston bilan savdosi so‘nggi 9 yilda 4 barobarga o‘sdi

Iqtisodiy tadqiqotlar va islohotlar markazi tahliliga ko‘ra, 2016–2025-yillarda O‘zbekistonning Hindiston bilan tovar ayirboshlash hajmi 4 barobarga oshib, 1,3 mlrd dollarga yetgan.

Hisobot davrida O‘zbekistonning Hindistonga eksporti 4,9 barobarga o‘sgan. Eksport hajmi 2025-yil yakuniga ko‘ra 164,8 mln dollarni tashkil qilgan.

Hindistondan O‘zbekistonga import esa 4 barobarga ko‘payib, 1,1 mlrd dollarga yetgan. Bu ikki davlat o‘rtasidagi savdoda import ulushi yuqori ekanini ko‘rsatadi.

Investitsiyalar ham oshdi

Markaz ma’lumotlariga ko‘ra, 2016–2025-yillarda Hindistondan O‘zbekistonga kiritilgan jami investitsiyalar hajmi 587 mln dollardan oshgan.

Investitsiyalar o‘sishi ikki mamlakat o‘rtasidagi iqtisodiy hamkorlik faqat tovar ayirboshlash bilan cheklanib qolmayotganini ko‘rsatadi. Hind kapitali ishtirokidagi korxonalar soni ham yillar davomida ko‘paygan.

Ayni paytda O‘zbekistonda Hindiston kapitali ishtirokidagi 439 ta korxona faoliyat yuritmoqda. Ularning faoliyati ikki davlat o‘rtasidagi biznes aloqalarining kengayib borayotganini anglatadi.

Eslatib o‘tamiz, Hindiston bosh vaziri Narendra Modi 29-30-avgust kunlari O‘zbekiston prezidenti Shavkat Mirziyoyevning taklifiga binoan davlat tashrifi bilan Toshkentda bo‘ladi.

Teglar

Hindiston Narendra Modi savdo investitsiya iqtisodiyot O‘zbekiston

Mavzuga oid

Kecha 22:28

Yetti oyda O‘zbekiston chetga 1,28 mln tonna meva-sabzavot sotdi

2026-yilning yanvar-iyul oylarida O‘zbekistondan 1,28 mln tonna meva-sabzavot mahsulotlari eksport qilindi. Bu o‘tgan yilning mos davriga nisbatan 5,5 ming tonnaga ko‘p. Biroq eksport qiymati 3,9 foizga kamayib, 1,03 mlrd dollarni tashkil etdi.

Kecha 19:55

Hindiston bosh vaziri «Yangi O‘zbekiston» bog‘iga bordi

Tashrifning asosiy tadbirlari ertaga, 30-avgust kuni bo‘lib o‘tadi.

Kecha 13:56

Surxondaryoda xodimni ta’tilda majburan ishlatgan mulozim javobgarlikka tortildi

Mehnat ta’tilida ekani va sog‘lig‘i sababli shifokor nazoratida turganini aytgan xodimga rahbar rasmiy chaqiruv qog‘ozisiz do‘q-po‘pisa qilib, «Mendan prav so‘rama», «Yoqmasa sur», «Qoningni ichaman» degan tahdidli gaplar bilan bosim o‘tkazgani o‘z isbotini topdi.

Bugun 14:55

«O‘zbekiston temir yo‘llari» yarim yilda 1 trln so‘m sof foyda oldi

Kompaniyaning sof foydasi o‘tgan yilning mos davriga nisbatan 53 foizga oshgan.

Kecha 17:24

O‘zbekiston Bishkek bilan savdo hajmini 3 mlrd dollarga yetkazmoqchi

O‘zbekiston-Qirg‘iziston taraqqiyot jamg‘armasi iqtisodiy hamkorlikka katta hissa qo‘shmoqda. Bugungi kunga qadar u 100 million dollardan ortiq qiymatdagi 37 ta loyihani ma’qullagan. Ushbu loyihalar qariyb 900 ta yangi ish o‘rinlarini yaratishi aytilgan.

Kecha 19:15