Путиндан тортиб Эрдўғангача: Шавкат Мирзиёевни туғилган куни билан кимлар табриклади?

Бугун, 24 июл куни Ўзбекистон Республикаси Президенти Шавкат Мирзиёевнинг таваллуд куни муносабати билан хорижий давлатлар, ҳукуматлар ва парламентлар, нуфузли халқаро ва минтақавий ташкилотлар, молиявий институтлар, етакчи хорижий компаниялар раҳбарлари, таниқли жамоат ва дин арбобларидан самимий қутловлар келмоқда.

Хорижий ҳамкорлар ўз мактубларида Ўзбекистон Президенти раҳбарлигида мамлакатнинг иқтисодий салоҳиятини мустаҳкамлаш, аҳолининг турмуш даражасини ошириш ҳамда давлатнинг минтақадаги ва халқаро майдондаги нуфузини юксалтириш борасида эришилган натижаларни юксак баҳолаган.

Ўзбекистон раҳбарига мустаҳкам соғлиқ, бахт-саодат ва давлатчилик фаолиятида янги муваффақиятлар, Ўзбекистоннинг кўп миллатли халқига эса тинчлик-осойишталик ва равнақ тилаклари изҳор этилган.

Жумладан, қуйидагилар ўз табрикларини йўллаган:

• Россия Федерацияси Президенти Владимир Путин,

• Хитой Халқ Республикаси Раиси Си Жинпин,

• Қозоғистон Республикаси Президенти Қасим-Жомарт Тоқаев,

• Қирғиз Республикаси Президенти Садир Жапаров,

• Тожикистон Республикаси Президенти Эмомали Раҳмон,

• Туркманистон Президенти Сердар Бердимуҳамедов,

• Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов,

• Озарбайжон Республикаси Президенти Илҳом Алиев,

• Беларусь Республикаси Президенти Александр Лукашенко,

• Қозоғистон Республикасининг биринчи Президенти Нурсултон Назарбоев,

• Туркия Республикаси Президенти Режеп Таййип Эрдоған,

• Миср Араб Республикаси Президенти Абдулфаттоҳ ас-Сиси,

• Корея Республикаси Президенти Ли Чжэ Мён,

• Европа кенгаши Раиси Антониу Кошта,

• Франция Республикаси Президенти Эммануэль Макрон,

• Италия Республикаси Президенти Сержо Маттарелла,

• Италия Республикаси Вазирлар Кенгаши Раиси Жоржа Мелони,

• Словения Республикаси Президенти Наташа Пирц Мусар,

• Албания Республикаси Президенти Байрам Бегай,

• Грузия Президенти Михаил Кавелашвили,

• Арманистон Республикаси Президенти Ваагн Хачатурян,

• Арманистон Республикаси Бош вазири Никол Пашинян,

• Қатар Давлати Амири Шайх Тамим бин Ҳамад Ол Соний,

• Бирлашган Араб Амирликлари Президенти Шайх Муҳаммад бин Зоид Ол Наҳаён,

• Бирлашган Араб Амирликлари Вице-президенти, Бош вазири ўринбосари, Президент девони раиси Шайх Мансур бин Зоид Ол Наҳаён,

• Бирлашган Араб Амирликлари Бош вазирининг ўринбосари, ички ишлар вазири Шайх Сайф бин Зоид Ол Наҳаён,

• Ироқ Республикаси Президенти Низор Омидий,

• Мьянма Иттифоқи Республикаси Президенти Мин Аун Хлайн,

• Россия Федерацияси Федерал Мажлиси Федерация Кенгаши Раиси Валентина Матвиенко,

• Беларусь Республикаси Миллий Мажлиси Республика Кенгаши Раиси Наталья Кочанова,

• Россия Федерацияси Хавфсизлик кенгаши раисининг ўринбосари Дмитрий Медведев,

• Россия Федерацияси Ҳукумати Раиси Михаил Мишустин,

• Россия Федерацияси Ҳукумати Раисининг биринчи ўринбосари Денис Мантуров,

• Татаристон Республикаси Раиси Рустам Минниханов,

• Америка Қўшма Штатлари Конгресси Сенати аъзоси Стив Дейнс,

• Америка Қўшма Штатлари Конгресси Вакиллар палатаси аъзолари Жо Вильсон, Трент Келли, Кэрол Миллер, Билл Хайзенга ва Жейсон Смит,

• Туркий давлатлар ташкилоти Бош котиби Кубаничбек Омуралиев,

• Мустақил Давлатлар Ҳамдўстлиги Бош котиби Сергей Лебедев,

• Шанхай ҳамкорлик ташкилоти Бош котиби Нурлан Ермекбаев,

• Европада хавфсизлик ва ҳамкорлик ташкилоти Бош котиби Феридун Синирлиоғлу,

• Иқтисодий ҳамкорлик ташкилоти Бош котиби Асад Хон,

• БМТ Бош котиби ўринбосари – БМТнинг Аҳолишунослик жамғармаси (ЮНФПА) ижрочи директори Диене Кейта,

• Мустақил Давлатлар Ҳамдўстлиги аъзо давлатлари Парламентлараро ассамблеяси Кенгаши Бош котиби Дмитрий Кобицкий,

• Евроосиё иқтисодий комиссияси Ҳайъати Раиси Бакитжан Сагинтаев,

• Таълим, фан ва маданият масалалари бўйича Ислом ташкилоти (АЙСЕСКО) Бош директори Салим Ал-Малик,

• Халқаро меҳнат ташкилоти бош директори Жильбер Унгбо,

• Европа тикланиш ва тараққиёт банки Президенти Одиль Рено-Бассо,

• Евроосиё тараққиёт банки бошқаруви раиси Николай Подгузов,

• Халқаро дзюдо федерацияси Президенти Мариус Визер,

• Москва ва Бутун Рус Патриархи Кирилл,

• Кавказ мусулмонлари идораси раиси Оллоҳшукур Пошозода.

Қутловлар келишда давом этмоқда.

Шавкат Мирзиёев биографияси

Шавкат Миромонович Мирзиёев 1957 йил 24 июлда Жиззах вилоятининг Зомин туманида туғилган. Маълумоти олий, муҳандис-механик, техника фанлари номзоди ва доцент.

Меҳнат фаолиятини 1981 йилда Тошкент ирригация ва қишлоқ хўжалигини механизациялаш муҳандислари институтидан бошлаб, проректорликкача бўлган йўлни босиб ўтган. 1990 йилда Республика Олий Совети депутати бўлган.

1992 йилда Тошкент шаҳри Мирзо Улуғбек тумани ҳокими, 1996–2001 йилларда Жиззах вилояти ҳокими, 2001–2003 йилларда Самарқанд вилояти ҳокими лавозимларида ишлаган. 2003–2016 йилларда эса Ўзбекистон Бош вазири лавозимини эгаллаган.

2016 йил 8 сентябрдан президент вазифасини вақтинча бажарувчи бўлган. 2016 йил 4 декабрда ўтказилган сайловда мамлакат Президенти этиб сайланган ва 2021 йилда иккинчи муддатга қайта сайланган.

Оилали, уч нафар фарзанди ва олти нафар набираси бор. Рафиқаси Зироат Мирзиёева муҳандис-иқтисодчи. Самарали меҳнати учун “Меҳнат шуҳрати” ва “Фидокорона хизматлари учун” орденлари билан тақдирланган.