Рақамлашаётган бюджет: Ўзбекистонда 29 минг ташкилот янги тизимга ўтмоқда

26.02.2026 | 08:552 daqiqa
IQTISODIYOT
|
Davlat byudjeti

2026 йил 1 августга қадар бюджет буюртмаларини тўлиқ электрон шаклга ўтказиш режалаштирилган.

Рақамлашаётган бюджет: Ўзбекистонда 29 минг ташкилот янги тизимга ўтмоқда

Сўнгги йилларда давлат молиясини бошқариш жараёнларини рақамли трансформация қилиш бўйича изчил ишлар амалга оширилмоқда. Иқтисодиёт ва молия вазирлиги маълумотига кўра, бу жараён давлат молияси тизимида тезкор, шаффоф ва ишончли бошқарув муҳитини шакллантиришга хизмат қилмоқда.

2025 йил 26 декабрда қабул қилинган PQ-388-сон Президент қарорига мувофиқ, келгуси йиллар учун бюджет ташкилотлари тақдим этадиган харажат буюртмаларини электрон кўринишда тайёрлаш ва юритиш механизмларини 2026 йил 1 августга қадар ишга тушириш вазифаси юклатилган.

 

Бюджет буюртмаси нима?

Бюджет буюртмаси — бюджет ташкилотларининг келгуси давр учун бюджетдан ажратиладиган маблағларга бўлган эҳтиёжини асословчи ҳужжат. Унда харажатлар бюджет таснифига мувофиқ моддалар кесимида шакллантирилади.

Янги тартибга кўра, мазкур ҳужжатни тузиш, тасдиқлаш ва тақдим этиш жараёнлари тўлиқ рақамлаштирилади. Натижада 29 мингдан ортиқ бюджет ташкилотларида қоғоз сарфи қисқаради, молия ва бухгалтерия ходимларининг иш юкламаси енгиллашади.

 

Янги имкониятлар

Аввал бюджет буюртмалари фақат харажат моддалари ва маблағлар миқдори билан чекланган бўлса, эндиликда унда харид қилиниши режалаштирилган товар ва хизмат турлари ҳамда ҳажми ҳақида маълумотлар акс эттирилади.

Бу бюджет маблағлари ҳисобидан амалга ошириладиган харидлар аниқлигини таъминлаб, «Давлат харидлари» ахборот тизимида параметрларни тўғри шакллантириш имконини беради. Шунингдек, бюджетни тузиш ва ижро этиш ахборот тизимлари ўзаро уйғунлаштирилиб, қарор қабул қилишда харажатларни чуқур таҳлил қилиш ва аудит жараёнларини самарали ташкил этиш имкониятлари кенгаяди.

Иқтисодиёт ва молия вазирлигининг маълум қилишича, давлат молиясини бошқаришда рақамли технологияларни жорий этиш ва такомиллаштириш ишлари изчил давом эттирилади.

Teglar

Иқтисодиёт вазирлигиМолиядавлат харидларибюджетрақамлаштириш

Mavzuga oid

Энергия нархи 10 фоиз ошса, жаҳон инфляцияси тезлашади — ХВФ
08.03.2026 | 22:10

Энергия нархи 10 фоиз ошса, жаҳон инфляцияси тезлашади — ХВФ

Халқаро валюта фонди дунё иқтисодиёти ҳайратланарли даражада барқарорлигини сақлаб келаётган бўлсада, ҳозир бу жиддий синовдан ўтаётганидан огоҳлантирди.

Европада газ нархи 90 фоизга қимматлашди
Kecha 12:25

Европада газ нархи 90 фоизга қимматлашди

Яқин Шарқдаги кескин вазият Европа энергетика бозорида босимни кучайтириб, газ ва нефт нархларини кескин оширди.

Хорижий корхоналар қайси соҳаларда фаолият юритаётгани маълум қилинди
Bugun 09:58

Хорижий корхоналар қайси соҳаларда фаолият юритаётгани маълум қилинди

Ўзбекистонда хорижий инвестициялар иштирокидаги корхоналар сони 18,5 мингдан ошди.

Гўшт импорти кескин ошди: бозорда нархлар ҳам қимматлашмоқда
Kecha 14:25

Гўшт импорти кескин ошди: бозорда нархлар ҳам қимматлашмоқда

Февраль ойида Ўзбекистонга гўшт ва гўшт маҳсулотлари импорти кескин ошди. Импорт ҳажмининг кўпайиши билан бирга мол, қўй ва парранда гўштининг ўртача нархлари ҳам кўтарилди.

Бир баррел нефт нархи илк бор 109 доллардан ошди
09.03.2026 | 09:55

Бир баррел нефт нархи илк бор 109 доллардан ошди

Тошкент вақти билан соат 04:10 ҳолатига кўра, «Brent» маркали нефт нархи 109.87 доллар даражасида қайд этилди.

Дунё иқтисодиёти карахт ҳолатда: улкан инқироз яқинлашмоқда
Bugun 08:35

Дунё иқтисодиёти карахт ҳолатда: улкан инқироз яқинлашмоқда

Ҳўрмуз бўғози атрофидаги вазият глобал иқтисодиёт учун ҳал қилувчи омилга айланиши мумкин. Мутахассисларнинг таъкидлашича, нефт таъминотидаги узилишлар давом этса, бу 1973-йилдаги энергетик инқироздан ҳам оғирроқ шокни келтириб чиқариш эҳтимоли бор.