Россия бензин ва дизел экспорти тақиқини узайтирди

Bugun 14:252 daqiqa

Ички ёқилғи бозори барқарорлигини сақлаш мақсадида экспорт чекловлари 2026 йил феврал охиригача амал қилади.

Россия бензин ва дизел экспорти тақиқини узайтирди

Россия автомобил бензини ва дизел ёқилғисини экспорт қилишга қўйилган вақтинчалик тақиқни 2026 йил баҳоригача узайтирди. Россия ҳукумати маълум қилишича, тегишли қарорлар 25 ва 26 декабр кунлари қабул қилинган бўлиб, чекловлар ички ёқилғи бозорида барқарор вазиятни сақлаб қолишга қаратилган.

Қарорга мувофиқ, автомобил бензинини Россия ҳудудидан ташқарига олиб чиқишга қўйилган вақтинчалик тақиқ 2026 йил 28 феврал кунигача, шу жумладан ушбу санада ҳам амал қилади. Ушбу чеклов барча экспорт қилувчиларга, жумладан нефт маҳсулотларини бевосита ишлаб чиқарувчи корхоналарга нисбатан ҳам татбиқ этилади.

Шу билан бирга, дизел ёқилғиси экспортига қўйилган тақиқ ҳам 2026 йил 28 феврал кунигача узайтирилди. Мазкур чеклов кема ёқилғиси, турли газойллар ҳамда биржа савдолари орқали харид қилинган нефт маҳсулотларини экспорт қилишни ҳам қамраб олади. Бироқ дизел ёқилғиси бўйича чекловлар нефт маҳсулотларини бевосита ишлаб чиқарувчи компанияларга нисбатан қўлланилмайди.

Маълум қилинишича, янги чекловлар қарорлар расман 28 декабрдан кучга киради. Бунда автомобил бензини экспортига доир тақиқ халқаро ҳукуматлараро битимлар доирасида амалга ошириладиган етказиб беришларга нисбатан татбиқ этилмайди.

Россияда бензин экспортига доир чекловлар илк бор жорий йил июл ойи охирида киритилган эди. Ўшанда экспорт тўлиқ тақиқланиб, чекловлар ёз мавсуми охиригача амал қилди. Кейинчалик, сентябр ойи якунида мазкур тақиқ 2025 йил охиригача узайтирилган эди. Янги қарор билан эса экспорт чекловлари 2026 йилнинг баҳоригача сақлаб қолинмоқда.

Teglar

дизел ёқилғиси бензин экспорти нефт маҳсулотлари Россия ҳукумати экспорт тақиқи

Mavzuga oid

Bugun 07:58

Россия Украинани «Валдай» резиденциясига дрон ҳужумида айблади

Россия «Валдай» резиденциясига дрон ҳужуми уринишида Украинани айблади, Киев эса буни музокараларни бузишга қаратилган сохта даъво деб атади.

Kecha 16:58

«Аватар» филмининг учинчиси жаҳон прокатида 500 млн доллар тўплади

Жеймс Кэмерон суратга олган «Аватар: Олов ва кул» филми жаҳон прокатида илк ҳафтадаёқ 500 млн доллар йиғиб, кассавий муваффақиятни тасдиқлади.

Bugun 08:38

Эронда валюта инқирози оммавий норозиликларни кучайтирди

Эронда валюта инқирози ва нархлар ўсиши ортидан оммавий намойишлар авж олди, норозилар ҳукумат ва олий раҳбар сиёсатини очиқ танқид қилмоқда.

Kecha 17:55

Кумуш нархи унциясига 80 доллар чегарасидан ошди

Comex биржасида кумуш фючерслари нархи 80 доллар чегарасидан ошди, спот бозорида ҳам кескин ўсиш кузатилиб, йил бошидан бери кумуш 181 фоизга қимматлашди.

Kecha 21:55

АҚШ Венесуэла ва Кубада режимни алмаштириш имконига эга — WSJ

WSJ таҳлилига кўра, АҚШ ва иттифоқчилар Венесуэла ҳамда Кубадаги диктатураларни бартараф этиш учун тарихий имкониятга эга.

Kecha 22:30

Россиянинг Украинага тажовузи империянинг ўлимолди талвасасидир — украиналик сиёсатчи

Владимир Путин узоқ йиллар давомида Украинани йўқ қилиш ғоясига мутаассиб даражада берилган. Украина Олий Радасининг ташқи сиёсат ва парламентлараро ҳамкорлик қўмитаси раиси Олександр Мережконинг сўзларига кўра, АҚШ Миллий хавфсизлик архивидан яқинда ошкор этилган маълумотлар бу ҳолатни тасдиқлаган.