Сўм мустаҳкамланиши ташқи қарз харажатини тежашга хизмат қилди

Kecha 22:501 daqiqa

2025 йилда миллий валюта 6,9 фоизга мустаҳкамланиб, ташқи қарзга хизмат кўрсатиш харажатлари 6–7 фоизга қисқарди.

Сўм мустаҳкамланиши ташқи қарз харажатини тежашга хизмат қилди

2025 йил якунларига кўра, сўмнинг мустаҳкамланиши давлат ва корпоратив ташқи қарзга хизмат кўрсатиш харажатларини ўртача 6–7 фоизга камайтирди. Бу ҳақда Марказий банкнинг ички валюта бозори бўйича шарҳида маълум келтирилган.

Ҳисоботга кўра, йил бошидан миллий валюта алмашув курси 6,9 фоизга мустаҳкамланган. Валюта таклифи экспорт тушумлари, хорижий кредитлар ва халқаро пул ўтказмалари ҳисобидан сезиларли ошган. Хусусан, 2025 йилда мамлакатга 18,9 млрд доллар миқдорида пул ўтказмалари кириб келган.

Юридик шахслар томонидан валюта таклифи 36 фоизга ўсган бўлса, талаб 24 фоизга ошган. Экспорт тушумлари 18 млрд долларни ташкил этиб, унинг 40 фоизи ички бозорда сотилган. Шунингдек, банклар томонидан 9,7 млрд доллар хорижий кредитлар ҳисобидан валюта сотилган.

Аҳоли томонидан банкларга 21,7 млрд доллар сотилиб, жисмоний шахслар операцияларининг ижобий салдоси 9,7 млрд долларни ташкил этган. Бу ички бозорда қўшимча валюта таклифини шакллантирган.

Қайд этилишича, сўмнинг мустаҳкамланиши миллий валютага ишончни кучайтирди. Миллий валютадаги депозитлар ҳажми йил бошидан 44 фоизга ўсиб, 240 трлн сўмга етди. Шунингдек, кредит ва депозитлар долларлашуви пасайди, инфляцион кутилмалар секинлашди.

Teglar

пул ўтказмалари ташқи қарз валюта бозори Марказий банк сўм

Mavzuga oid

Kecha 17:40

Электрон тижорат соҳасидан зарар кўрган фуқароларга 7,3 млрд сўм қайтариб берилди

Рақобат қўмитасига фуқаролардан ўтган 2025 йилда электрон тижорат соҳасида 3 100 га яқин мурожаатлар келиб тушган. Ҳуқуқлари бузилган 9,6 млн нафар истеъмолчига 7,3 млрд сўм миқдорида етказилган зарар қайта ҳисоб-китоб қилинган.

Kecha 16:55

Маҳаллаларда уй меҳмонхоналарини ташкил қилиш учун 150 млн сўмгача гаровсиз кредит ажратилади

Янги қарор билан оилавий тадбиркорликни ривожлантириш дастурлари доирасида маҳаллалар кесимида гаров таъминотисиз ажратиладиган кредитлар миқдори оширилди.

Kecha 19:23

Имтиёзли карталар рақобати: Банклар нима учун бу пойгага киришган?

Ўзбекистон банклари дебет карталари учун бир қанча имтиёзлар ва кешбеклар таклиф қилиб келмоқда. Баъзи банклар картани бепулга чиқариб, ҳатто уйгача ҳам текинга етказиб беради. Vaqt.uz бунинг сабаблари ва тизим қандай ишлаши ҳақида сўз юритади.

Kecha 13:08

Радиоактив чиқиндиларни сақлаш маркази ташкил этилади

Янги қарорга кўра, Ўзбекистонда радиоактив чиқиндиларни ташиш ва сақлаш ягона давлат муассасаси орқали амалга оширилади.

Kecha 17:20

2027 йилдан сув солиғи ҳудудга қараб ҳисобланади

2027 йилдан бошлаб сув ресурсларидан фойдаланганлик учун солиқ ставкалари ва субсидиялар миқдори суғориладиган ер майдонларининг сув билан таъминланганлик даражасига қараб белгиланади.

Kecha 19:12

Солиқ қўмитаси ўзбекистонликларнинг хорижий компаниялар фойдасига амалга оширилган транзаксиялари ҳақида банклардан маълумот сўради

Солиқ қўмитаси ҚҚС тўғри ҳисобланиши ва хорижий компанияларнинг Ўзбекистондаги реал даромадини текшириш мақсадида банклардан 2023–2025 йилларда фуқаролар томонидан 83 та хорижий интернет-компания фойдасига амалга оширилган барча тўловлар бўйича маълумот сўради.