Сурия миллий валютасидан Асад ва оиласининг суратлари олиб ташланади

Bugun 10:432 daqiqa

Сурия ҳукумати мамлакат молия тизимини тубдан ислоҳ қилиш ва ўтмиш асоратларидан воз кечиш мақсадида янги намунадаги миллий валюта — Сурия фунти муомалага чиқарилишини эълон қилди. 2026 йилнинг 1 январидан бошлаб амалиётга киритиладиган янги банкноталарда мамлакатни ўн йиллар давомида бошқарган Башар Асад ва унинг отаси Ҳофиз Асаднинг тасвирлари бўлмайди.

Сурия Марказий банки раиси Абдел Қодир ал-Ҳасриянинг таъкидлашича, ушбу ислоҳот ҳокимият алмашганидан кейинги янги иқтисодий курснинг ажралмас қисми ҳисобланади. Янги банкноталар сиёсий суверенитет ва миллий бирлик рамзига айланиши кутилмоқда. Марказий банк яқин кунларда эски пулларни янгисига алмаштириш тартиби ва муддатлари бўйича батафсил йўриқномани эълон қилишини билдирди.

Ҳозирда муомалада бўлган 2000 фунтлик купюрада Башар Асад, 1000 фунтликда эса унинг отаси сурати акс этган бўлиб, улар 2024 йилнинг декабрида якунланган режим даврини эслатиб туради. Ўшанда мухолифат кучлари Дамашқни озод қилган, Асад эса Россияга қочиб кетган эди. Янги пуллар олти хил номиналда чиқарилиб, уларда ҳеч қандай сиёсий шахслар портрети ва эски режим белгилари бўлмайди.

Валюта ислоҳоти доирасида деноминация жараёни ҳам амалга оширилиб, пул бирлигидан иккита нол олиб ташланади. Бу уруш йилларида кескин қадрсизланган ва ишончни йўқотган миллий валютани соғломлаштиришга қаратилган. Маълумотларга кўра, янги банкноталарни чоп этиш бўйича шартнома Россиянинг «Гознак» корхонаси билан имзоланган бўлиб, ушбу ташкилот ўн йилдан бери Сурия пулларини босиб чиқариш билан шуғулланиб келади.

Teglar

Сурия Башар Асад Дамашқ деноминация миллий валюта Марказий банк

Mavzuga oid

Kecha 11:37

Уруш тақдирини халқ ҳал қилади: Зеленский ҳудудий ён беришларни референдумга қўймоқчи

Украина президенти 60 кунлик ўт очишни тўхтатиш шарти билан тинчлик режасини халқ муҳокамасига қўйиши мумкинлигини билдирди.

Bugun 08:58

Украина денгизда уруш қоидаларини ўзгартирди — «The Atlantic»

«The Atlantic» нашри таҳлилига кўра, Украина денгиздаги уруш тактикасини тубдан янгилади, АҚШ эса ҳануз йирик ҳарбий кемалар концепциясига таянаётганини кўрсатмоқда.

Kecha 15:49

Янги давлат, янги можаро: Нетаняҳу Сомалилендни тан олди

Нетаняҳунинг қарори минтақада кескин муносабатга сабаб бўлди. Сомали, Миср, Туркия ва Жибути расмийлари дарҳол телефон мулоқоти ўтказиб, Исроилнинг қарорига қарши эканини эълон қилди.

26.12.2025 | 21:38

АҚШнинг 20 та ҳарбий компанияси учун Хитой бозори ёпилди

Хитой Тайванга қурол сотган АҚШнинг 20 та компанияси ва 10 нафар раҳбарига санкция қўллади.

Kecha 11:06

7 йил ичида 30 фоиз аҳолиси мусулмон бўладиган Россияда исломий молия даври бошланмоқда

Давлат Думасининг молия бозорлари қўмитаси исломий банк ташкил этиш бўйича мамлакат ичидаги ишбилармон доиралар ва араб давлатлари билан алоқалар ўрнатган.

26.12.2025 | 21:18

«Мен ҳам чидаганман»: Садир Жапаров ўзининг қамоқдаги йилларини ёдга олди

Қирғизистон Президенти мамлакатдаги тергов ҳибсхоналаридаги ноқулай шароитлар бўйича келиб тушган шикоятларга муносабат билдириб, ўзининг қамоқдаги йилларини ёдга олди.