Трампни Россияга нисбатан янги санкцияларга ундаган «қирғий» ким эканлиги маълум бўлди
Президент аввал бундай чора кўришга шошилмаган, аммо кейин вазиятни қайта баҳолашга мажбур бўлган.
Bloomberg агентлигининг хабар беришича, бир неча ой давомида Доналд Трамп янги санкциялар киритиш таклифларига қаршилик кўрсатиб келган. У, гўёки, Россия президенти Владимир Путин билан шахсан келишувга эришиш орқали Украинадаги можарони тўхтатиш мумкин деб ўйлаган. Бироқ вазиятнинг ўзгармаслиги ва давлат котиби Марко Рубионинг кескин позицияси Трампни ўз фикрини қайта кўриб чиқишга мажбур этган.
Агентлик манбаларига кўра, Рубио — Россия бўйича қатъий сиёсатни қўллаб-қувватлайдиган, «қирғий» деб аталувчи сиёсатчи — Трампга Москва ҳеч қандай жиддий ўзгариш қилмаганини таъкидлаган. Шу фикр президентнинг қарор қабул қилишида ҳал қилувчи омил бўлган.
Bloomberg ёзишича, бу қарор Рубионинг таъсири ва нуфузи ортганини кўрсатади. Давлат котибининг Россияга нисбатан кескин муносабати Трампнинг махсус элчиси Стив Уиткофф илгари сурган мулоқотга мойиллик сиёсатидан кескин фарқ қилади.
