Уй-жой учун ипотека: қайси банклар энг паст фоизли кредитларни таклиф қилмоқда?

Ўзбекистон Марказий банки 2026-йил 29-июн ҳолатига кўра, банкларнинг аҳоли учун ажратадиган ипотека кредитлари бўйича ўртача фоиз ставкаларини эълон қилди.

Маълумотларга кўра, ипотека кредитлари бўйича ўртача фоиз ставкаси ўтган ҳафтага нисбатан 0,1 фоизга камайиб, 22,1 фоизни ташкил этган.

Энг паст ипотека фоиз ставкасини 19,1 фоиз билан «Orient Finans bank» таклиф қилмоқда. Шунингдек, «Asaka bank»да ипотека кредити 20,3 фоиз, «Milliy bank»да 20,8 фоиз, «SQB»да 21,0 фоиз ва «Agrobank»да 21,4 фоиздан ажратилмоқда.

«BRB» ва «Ipoteka bank» ипотека кредитларини 21,7 фоиздан, «Hamkorbank» 22,0 фоиз, «Infinbank» 22,7 фоиз, «Xalq banki» 23,2 фоиз ҳамда «Trastbank» 23,9 фоиз ставкада таклиф этмоқда.

Юқорироқ фоиз ставкалари қаторидан «Aloqabank» 24,0 фоиз, «Mikrokreditbank» 24,6 фоиз, «Ipak yo‘li bank» 24,7 фоиз, «Asia Alliance Bank» 25,1 фоиз ва «Turon bank» 25,4 фоиз кўрсаткич билан ўрин олган.

Энг юқори ипотека фоиз ставкалари «Universal bank»да 26,0 фоиз, «Davr bank»да эса 26,1 фоизни ташкил этган.

^{Манба: Марказий банк}

Марказий банк маълумотларига кўра, жисмоний шахсларга ажратилган кредитлар (микрокредитлардан ташқари) бўйича ўртача фоиз ставкаси 22,9 фоизни, юридик шахсларга ажратилган кредитлар бўйича эса 21,7 фоизни ташкил этган.

Маълумот учун, 5 ойида Ўзбекистонда 21,5 мингдан ортиқ фуқарога ипотека кредитлари расмийлаштирилди. Шу билан бирга, аҳолининг эҳтиёжманд қатламини қўллаб-қувватлаш учун давлат томонидан 622,8 млрд сўмлик субсидиялар тўлаб берилган.

Эслатиб ўтамиз, 2026-йил 1-июлдан Ўзбекистонда «Мақсадли ипотека омонати» механизми тажриба-синов тариқасида жорий этилди. Янги тартибга кўра, ипотека кредити бўйича субсидия ажратиш ҳақида ижобий хабарнома олган фуқаролар ихтиёрий равишда тижорат банкида махсус ипотека омонатини шакллантиради.