Zelenskiy ukrainaliklarni ogohlantirdi
Volodimir Zelenskiy Rossiya Rojdestvo sulhidan voz kechgani va bayram kunlari Ukrainaga yirik hujumlar uyushtirishi mumkinligi haqida bayonot berdi.
Rossiya 25-dekabr, Rojdestvo bayramida Ukrainaga ommaviy zarbalar berishi mumkin. Bu haqda prezident Volodimir Zelenskiy Diplomatik xizmat xodimlari kuni munosabati bilan qilgan chiqishida jurnalistlarga ma’lum qildi.
Rossiya Rojdestvo sulhi bo‘lmasligini aytganda, «ular har doim tahdidlarni ta’kidlaydi. Bunday signallardan so‘ng men qayerda ekanligimizni aniq tushunish uchun razvedkamizni maksimal darajada kuchaytirishni so‘radim«, - deya Zelenskiyning so‘zlarini keltiradi Ukraina ommaviy axborot vositalari.
Uning ta’kidlashicha, amerikaliklar va nemislar Rojdestvo sulhi joriy etilishini juda xohlashgan, bu har doim tomonlar qandaydir diplomatik harakat topishni xohlayotganining ishorasi hisoblanadi. Ammo ruslar bunday sulhdan voz kechdi.
«Tushunamizki, shu kunlarda ular yirik zarbalarni amalga oshirishlari mumkin. Shuning uchun birinchi raqamli masala - havo hujumidan mudofaa, shaharlarimiz, kuchlarimiz va jamoalarimizni himoya qilish, ayniqsa 23, 24 va 25-sanalarda», - dedi Ukraina prezidenti.
Shu bilan birga, Zelenskiy vaziyat tanqislik tufayli murakkablashayotganini tan oldi.
