«Formula 1 » юлдузлари Тошкентга келади

31.10.2025 | 13:555441

9–12 декабр кунлари Марказий Осиё тарихида илк бор «FIA General Assembly» ва «FIA Awards» маросими Тошкентда ўтказилади.

Декабр ойининг иккинчи ҳафтасида Марказий Осиё миқёсида илк бор Халқаро автомобил федерацияси — FIAнинг Бош ассамблеяси ва йилнинг энг нуфузли автоспорт мукофотлаш маросими — «FIA Awards» Тошкент шаҳрида бўлиб ўтади. Бу ҳақда Тошкент шаҳар ҳокимлиги хабар берди.

Маълумотларга кўра, тадбирда жаҳон автоспорти вакиллари, 149 мамлакатдан 500 дан ортиқ юқори мартабали делегатлар ва FIA федерациялари вакиллари, шунингдек, 100 дан ортиқ профессионал пойгачилар иштирок этиши режалаштирилган.

Тадбирлар доирасида Тошкент илк бор автоспорт оламидаги энг йирик ва нуфузли тадбирлардан бири — «FIA Gala»га ҳам мезбонлик қилади. Бу маросимда турли автомотоспорт чемпионатлари ғолиблари тантанали тарзда тақдирланади. Жумладан, «Formula 1», «World Rally Championship (WRC)» ва «World Endurance Championship (WEC)» мусобақаларида ғолиб чиққан спортчилар тақдирланади.

«FIA Gala» деб номланган маросим автоспорт дунёсидаги энг нуфузли тадбир ҳисобланади. Унда йилнинг энг яхши ҳайдовчилари ва жамоаларига халқаро мукофотлар топширилади. Мазкур галани Тошкентда ўтказиш мамлакатнинг спорт ва туризм соҳасидаги глобал нуфузини янада оширади, деб баҳоланмоқда.

Маълумот учун, FIA ташкилоти 1904 йилда тузилган бўлиб, унинг асосий вазифаси — автомобил спортини бошқариш, йўл ҳаракати хавфсизлигини ривожлантириш ва автомобиль саноати манфаатларини ҳимоя қилишдир. Федерация «Formula 1», «WRC», «WEC» ва бошқа йирик халқаро серияларнинг расмий бошқарув органи сифатида фаолият юритади.

Теглар

Тошкент FIA Formula 1 автоспорт халқаро тадбир

Мавзуга оид

Кеча 08:38

Хитой 2030 йилгача одамни Ойга қўндириш режасини тасдиқлади

Хитой расмийлари мамлакат 2030 йилгача одамни Ойга қўндириш лойиҳаси режали кетаётганини маълум қилди. Шунингдек, «Тиангонг» орбитал станциясига навбатдаги астронавтлар экипажини юборилади.

31.10.2025 | 14:25

Сунъий интеллект лойиҳалари учун 100 млн доллар ажратилади

Президентнинг сунъий интеллект технологиялари лойиҳаларини қўллаб-қувватлаш бўйича қарори қабул қилинди.

02.11.2025 | 09:58

Мутахассислар нархи 200 долларгача бўлган энг яхши 5 смартфонни аниқлади

Gizchina нашри 2025 йил учун 200 долларгача бўлган энг кучли ва тежамкор Android-смартфонлар рейтингини эълон қилди. Рўйхатга Motorola, Samsung, Nothing ва DOOGEE каби брендлар кирди.

31.10.2025 | 08:18

Россия Telegram ва WhatsApp учун SMS орқали рўйхатдан ўтишни чеклай бошлади

Россия мобил операторларига Telegram ва WhatsApp мессенжерларида SMS ёки қўнғироқ орқали рўйхатдан ўтишни блоклаш ҳақида кўрсатма берилди.

29.10.2025 | 14:25

Мирзамаҳмудов: «Аграр университетдаги ёнғинга қуёш панеллари сабаб бўлмаган»

Энергетика вазири Жўрабек Мирзамаҳмудов Аграр университетдаги ёнғин қуёш панеллари туфайли чиққан деган миш-мишларни рад этди.

Бугун 12:10

Украинада меҳнат қуллигидан озод қилинган 19 ўзбекистонлик Ватанга қайтарилди

Аввалроқ Киев вилоятидаги иссиқхонада мажбурий меҳнатга жалб этилган Ўзбекистон фуқароларининг Украина ҳуқуқ-тартибот идоралари томонидан озод этилганлиги ҳақида хабар берилган эди.