Марко Рубио: «Самарқанд глобал савдода тарихан муҳим роль ўйнаган»

Бугун 18:571 дақиқа

АҚШ Давлат котиби Ўзбекистон билан ҳамкорлик ва янги имкониятлар ҳақида фикр билдирди.

Марко Рубио: «Самарқанд глобал савдода тарихан муҳим роль ўйнаган»

АҚШ Давлат котиби Марко Рубио ўз саҳифасида эълон қилган видеолавҳада Самарқанднинг глобал савдо чорраҳаси сифатидаги тарихий ўрни қайта тикланаётганини таъкидлади.

У Вашингтон бутун дунё бўйлаб шериклик алоқаларини кенгайтираётгани, бу жараёнда Ўзбекистон муҳим ўрин тутишини айтди.

Шунингдек, юзлаб Америка компаниялари бу ерга аниқ келишувлар ва узоқ муддатли ҳамкорлик учун келганини қайд этди.

«Ер юзида Самарқанд каби глобал савдода тарихан муҳим роль ўйнаган жойлар камдан-кам учрайди. Бугун бу ерда бўлиб, нафақат тарихни ёдга олиш, балки келажак учун имкониятлар ҳақида фикр юритиш мен учун шарафдир», - деди Давлат котиби.

Қолаверса, АҚШ савдо, илм-фан ва технология соҳаларида улкан имкониятларни кўраётганини таъкидлади.

Теглар

савдо Самарқанд Марко Рубио илм-фан АҚШ ҳамкорлик Ўзбекистон технология

Мавзуга оид

Кеча 19:55

Миллиардлаб пул тикилаётган Роғун: лойиҳадан Ўзбекистонга келиши мумкин бўлган хавфлар

Қўшни Тожикистоннинг фойдали қазилмалар бўйича захиралари кўп, лекин уларни қазиб олиш ва ташиш катта харажат ва машаққат талаб қилади. Марказий Осиёдаги барча сув ресурсларининг қарийб 60 фоизи ҳам айнан Тожикистонда жам бўлган, бироқ қишда у ерда электр танқислиги кучаяди, чекка ҳудудлар доимий равишда «свет»сиз қолади. Ана шу энергетик муаммоларни ҳал қилиш учун Тожикистон ҳукумати Роғун ГЭСини барпо этишга киришган. Ислом Каримов унинг қурилишига қарши бўлган. Хўш, уни кимлар молиялаштиряпти? У ўзбекистонликларга қандай хавфларни келтириши мумкин?

Бугун 11:25

«Миллиардлаб долларлик келишувлар имзоланади» — Марко Рубио

Президент Администрацияси раҳбари Саида Мирзиёева ва АҚШ давлат котиби Марко Рубио Регистон майдонида журналистлар олдига бирга чиқди. У ўз сўзини Ўзбекистон томонига самимий қабул ва меҳмондўстлик учун миннатдорлик билдиришдан бошлади.

Кеча 17:37

Марко Рубио нега айнан Самарқандга келаётганини айтди

У билан бирга Ўзбекистонга АҚШнинг 200 нафардан ортиқ йирик компания раҳбарларидан иборат ишбилармонлар делегацияси ҳам келади.

Бугун 12:32

Ўзбекистонда Google Pay хизмати ишга тушди

Бу ҳақда Самарқандда ўтказилаётган C5+1 форматидаги тадбирлар доирасидаги панел сессиясида Google Cloud'нинг Давлат сиёсати ва давлат ташкилотлари билан алоқалар йўналиши бўйича раҳбари Марчин Красуски эълон қилди.

17.10.2026 | 22:24

Тошкентда намунавий маҳалла марказлари ўрнида аслида нима қурилмоқда?

Тошкент шаҳар ҳокимининг жамоатчиликдан сир тутилган қарори асосида пойтахтдаги 131 та объект хусусий тадбиркорларга бериб юборилгани маълум бўлди. Ҳужжатда мазкур ҳудудларда давлат-хусусий шериклик шартларида намунавий маҳалла марказлари барпо этилиши белгиланган эди. Бироқ реал вазият қоғоздаги режалардан бутунлай фарқ қилмоқда.

Кеча 23:15

Марказий Осиё сафари: Рубио келди, ҳамма Самарқандда

Минтақанинг айрим давлатларида ички ислоҳотлар ортидан «Сорос жамғармаси» ва АҚШ бюджетидан бевосита ёки билвосита молиялаштириладиган бошқа нодавлат ташкилотлар фаолияти тўхтатилган. Шу сабабли Рубио ташрифи ҳамкорликнинг янги шаклига ўтиш сифатида талқин қилинмоқда. Самарқандга келган америкалик тадбиркорлар орасида «Boeing» авиакомпанияси, «Citibank» банки ва «Franklin Templeton» инвестиция фонди вакиллари, шунингдек, муҳим фойдали қазилмалар билан ишлайдиган компаниялар бор.