Маск Трампни болаларга нисбатан жинсий эксплуатацияда айблади

Маск ўзининг ижтимоий тармоғи X’да Трамп 2024 йилги сайловларда ғалаба қозонишида ҳал қилувчи рол ўйнаганини билдирди. «Агар мен бўлмаганимда, у ютқазган бўларди», — деб ёзди у. Маскнинг айтишича, Трампнинг ғалабаси Вакиллар палатаси ва Сенатда кучлар нисбатини ҳам ўзгартириб юборган. Бу баёнотларга жавобан, Доналд Трамп Truth Social’да Маск билан боғлиқ барча давлат субсидиялари ва шартномаларни тугатиш билан таҳдид қилди. Унинг сўзларига кўра, бу АҚШ бюджетига миллиардлаб доллар тежам қилади. Трамп, шунингдек, Маскни DOGE департаменти раҳбарлигидаги вазифасидан кетгани учун «ақлдан озган» деб атади. Президент уни ҳукуматдан кетишини сўраганини таъкидлаб, Маскни электромобиллар учун давлат ёрдамидан маҳрум қилганини билдирди. Зиддият 1 июн куни Маскнинг давлат лавозимидан кетиши ва Трампнинг унинг яқин ҳамкори — SpaceX инвестори Жаред Айзекман номзодини NASA раҳбарлигига қайтариб олиши билан бошланди. 4 июн куни эса Маск федерал бюджетни «расво» деб танқид қилди. Маск таъкидлаган Жеффри Эпштейн 2019 йилда қамоқхонада вафот этган. Расмий маълумотларга кўра, у ўз жонига қасд қилган. У болаларни жинсий эксплуатация қилишда айбланган ва АҚШ ҳамда жаҳон элитаси вакиллари у билан алоқада бўлгани тахмин қилинган. Трамп эса ўзининг аввалги сайлов кампаниясида Эпштейн оролига ташриф буюрган шахслар рўйхатини эълон қилишга ваъда берган, аммо президентликка қайтганидан кейин бу амалга оширилмаган.