Ўзбекистон банклари 9 ойда 10,9 трлн сўм соф фойда олди

Марказий банк маълумотларига кўра, 2025 йилнинг 9 ойида тижорат банклари соф фойда кўрсаткичини 2,79 трлн сўмга оширди. Бу натижа банк тизимида фаолият самарадорлиги ва кредит портфелларидан келадиган даромадлар ўсишини кўрсатади.

Bankers.uz таҳлилига кўра, 1 трлн сўмдан ортиқ фойда қайд этган тўртта банк – «O‘zmilliybank» (1,45 трлн сўм), «O‘zsanoatqurilishbank» (1,39 трлн сўм), «Hamkorbank» (1,27 трлн сўм) ва «Kapitalbank» (1,16 трлн сўм) – соҳа етакчилари бўлди. Уларнинг улуши жами банклар фойдасининг катта қисмини ташкил этди.

Шунингдек, «Orient Finans Bank» (793,5 млрд сўм), «Ipak Yuli Banki» (752,5 млрд сўм), «Trastbank» (616,9 млрд сўм), «KDB Bank Ўзбекистон» (493,2 млрд сўм), «Davrbank» (465,1 млрд сўм) ҳам юқори самара кўрсатди. Бу банклар тизимдаги соф фойданинг 72 фоизини таъминлади.

Сўнгги йилда «O‘zsanoatqurilishbank», «Hamkorbank», «Kapitalbank», «Davrbank», «Aloqabank», «Anorbank» ва «Orient Finans Bank»ларнинг соф фойда кескин ошгани кузатилди. Бу тенденция хусусий капитал иштирокидаги молиявий муассасалар рақобатбардошлигининг ортиб бораётганини кўрсатмоқда.

Шу билан бирга, «TBC Bank Uzbekistan» (-244,1 млрд сўм), «Ipotekabank» (-86,8 млрд сўм), «Ziraat Bank» (-11,3 млрд сўм) ва «Turonbank» (-13,1 млрд сўм)да соф фойда камайди. «Yangibank» (-95,4 млрд сўм) ва «Apex Bank» (-52,2 млрд сўм) 9 ойлик фаолиятни молиявий зарар билан якунлади.

Эслатиб ўтамиз, аввалроқ Иқтисодий тадқиқотлар ва ислоҳотлар маркази 2025 йилнинг учинчи чораги учун банклар фаоллик индекси бўйича янгиланган рейтингни эълон қилган эди.