Ўзбекистон ва Туркманистон президентлари чегараолди савдо зонасини ишга туширди

Бугун 14:251431

Ушбу «Шовот-Тошҳовуз» қўшма чегараолди савдо зонасида дирекция, божхона, карантин, фитосанитария ва ветеринария хизматларининг маъмурий бинолари, савдо павилони ва омборлар жойлашган.

Ўзбекистон ва Туркманистон президентлари чегараолди савдо зонасини ишга туширди

Музокаралардан сўнг Ўзбекистон Республикаси Президенти Шавкат Мирзиёев ва Туркманистон президенти Сердар Бердимуҳамедов «Шовот-Тошҳовуз» қўшма чегараолди савдо зонасини ишга тушириш маросимида иштирок этди. Бу ҳақда президент матбуот хизмати хабар берди.

Хабар қилинишича, савдо зонасида дирекция, божхона, карантин, фитосанитария ва ветеринария хизматларининг маъмурий бинолари, савдо павилони ва омборлар жойлашган.

Бу ерда «ягона дарча» тамойили асосида давлат хизматлари кўрсатилади, интерфаол тизимлар, банк, тиббиёт ва меҳмонхона хизматлари учун зарур инфратузилма, шунингдек, катта автотураргоҳ ҳам ташкил этилган.

Таъкидланишича, зона фаолияти умумий аҳолиси 3,5 миллиондан зиёд бўлган иккита муҳим ҳудуд – Ўзбекистоннинг Хоразм вилояти ва Туркманистоннинг Тошҳовуз вилояти ўртасидаги савдо-иқтисодий алоқаларни кенгайтиришга хизмат қилади.

Аввалроқ «Шовот-Тошҳовуз» чегараолди савдо зонасининг ишга туширилиши бўйича келишувга эришилгани ҳақида хабар берилганди.

Теглар

Шавкат Мирзиёев Сердар Бердимуҳамедов савдо зонаси Ўзбекистон–Туркманистон савдоси Шовот–Тошҳовуз

Мавзуга оид

11.11.2025 | 21:05

АҚШ сафаридан сўнг илк марта Мирзиёев ва Путин гаплашиб олди

Улар икки томонлама муносабатларни ривожлантириш масалаларини муҳокама қилган.

15.11.2025 | 12:09

Ягона портал маълумотлари энди қоғоз ҳужжат билан тенг юридик кучга эга ҳисобланади

Ягона порталдаги маълумотлар қоғоз ҳужжатлар билан тенг юридик кучга эга бўлиб, давлат идоралари уларнинг қоғоз шаклини талаб қила олмайди.

13.11.2025 | 10:10

Мирзиёев АҚШнинг Юта штати бизнес делегациясини қабул қилди

Шавкат Мирзиёев Америка Қўшма Штатлари Юта штатининг Исо Масиҳ Охирги замон авлиёлари черкови оқсоқоли Девид Беднар ва «Стирлинг» халқаро хайрия фонди раиси Майлс Хансендан иборат ишбилармонлар билан учрашди.

11.11.2025 | 19:15

Ўзбекистонда 4 йил ичида талабалар сони 2,2 баробарга ошди

Миллий статистика қўмитаси олий таълим муассасаларига қабул қилинганлар орасида қизларнинг улуши йигитларникидан кўплигини маълум қилди.

13.11.2025 | 18:55

9 ойда Ўзбекистонда иккиламчи уй нархлари долларда 5 фоизга ошди

Марказий банкнинг маълумотига кўра, тўққиз ойда уй-жой битимлари 11 фоизга кўпайди, иккиламчи бозордаги нархлар эса сўмда 1,7 фоизга, долларда 5 фоизга ўсди.

10.11.2025 | 18:35