O‘zbekistonliklar endi Belarusda 10 kun ro‘yxatdan o‘tmasdan yurishlari mumkin

Кеча 21:551 дақиқа

Avval ikki davlat fuqarolari bir-birining hududida ro‘yxatdan o‘tmasdan 3 kun davomida bo‘lishlari mumkin edi.

O‘zbekistonliklar endi Belarusda 10 kun ro‘yxatdan o‘tmasdan yurishlari mumkin

O‘zbekiston va Belarus fuqarolarining ikki davlat hududida ro‘yxatdan o‘tmasdan bo‘lish muddati 3 kundan 10 kunga uzaytiriladi. Bu haqda O‘zbekiston Tashqi ishlar vazirligi vakili Amir Sultonov «O‘zbekiston 24» telekanaliga bergan intervyusida ma’lum qildi.

Uning so‘zlariga ko‘ra, tegishli o‘zgartishlar ikki davlat rahbarlari ishtirokida imzolangan Fuqarolarning o‘zaro qatnovlari to‘g‘risidagi bitimga o‘zgartirishlar kiritish haqidagi bayonnomada aks ettirilgan.

«Bu, shubhasiz, qarindoshlar va do‘stlarni yo‘qlash, sayyohlik va ishbilarmonlik tashriflarini sezilarli darajada qulayroq qiladi», — dedi Amir Sultonov.

Eslatib o‘tamiz, 9-iyul kuni Toshkentda O‘zbekiston Respublikasi Prezidenti Shavkat Mirziyoyev va Belarus Respublikasi Prezidenti Aleksandr Lukashenko o‘rtasida bo‘lib o‘tgan oliy darajadagi muzokaralar ikki tomonlama munosabatlarni strategik sheriklik darajasiga ko‘tardi. Ushbu tashrif doirasida davlat rahbarlari tomonidan strategik sheriklikni o‘rnatish to‘g‘risidagi deklaratsiya imzolandi hamda savdo-iqtisodiy, madaniy-gumanitar, agrosanoat, ijtimoiy himoya va ilmiy-texnik sohalarni qamrab oluvchi jami 16 ta ikki tomonlama hujjat, jumladan, fuqarolarning o‘zaro qatnovlari to‘g‘risidagi bitimga o‘zgartirishlar kiritish bo‘yicha bayonnoma tasdiqlandi.

Теглар

vizasiz rejim strategik sheriklik TIV Belarus ro‘yxatdan o‘tish O‘zbekiston fuqarolar qatnovi Amir Sultonov

Мавзуга оид

Кеча 17:55

O‘zbekistonda qora metall aylanmasini tartibga solish uchun «E-lom» platformasi ishga tushiriladi

1-avgustdan qora metallolom aylanmasi raqamli nazoratga o‘tadi. Prezident metallurgiya sohasida importga qaramlikni kamaytirish va sun’iy intellektni keng joriy etish bo‘yicha yangi vazifalarni belgiladi.

Кеча 17:35

Xorazmdagi barcha davlat bog‘chalari vaqtincha yopildi

14-iyuldan boshlab viloyatda havo harorati 44–45 darajagacha ko‘tarilishi prognoz qilinmoqda.

Кеча 19:27

Toshkent hokimligi pulli parkovka haqini to‘lamagan haydovchilarni jarimaga tortishni taklif qildi

Mazkur tashabbus doirasida Ma’muriy javobgarlik to‘g‘risidagi kodeksga tegishli o‘zgartirishlar kiritish rejalashtirilgan bo‘lib, unga ko‘ra to‘lovdan bo‘yin tovlash bazaviy hisoblash miqdorining 2 baravari miqdorida — hozirgi hisobda 824 000 so‘m, 1-sentabrdan esa 880 000 so‘m jarimaga tortilishiga sabab bo‘ladi.

Кеча 15:29

O‘zbekistondagi anomal issiq sabab bog‘chalar ma’lum muddat yopilishi mumkin

Bu bo‘yicha tegishli choralar hududlardagi havo haroratidan kelib chiqib belgilanadi.

Кеча 19:35

Bolgariya ishchi kuchi tanqisligini qoplash uchun o‘zbekistonliklarga murojaat qildi

«Trading Economics» ma’lumotlariga ko‘ra, eng kam ishi haqiga ishlayotgan o‘zbekistonlik Bolgariyada 7,1 baravar ko‘proq ishlab topishi mumkin.

Кеча 18:55

So‘m denominatsiyasi va alifbo islohoti: O‘zbekiston uchun kutilmagan tarixiy imkoniyat

Markaziy bank valuta belgilaridagi yozuvlarni yangi qoidalarga moslashtirish uchun baribir yangi pullarni muomalaga chiqarishga majbur bo‘ladi. Shunday ekan, bu texnik zaruriyat iqtisodiyotimiz uchun uzoq kutilgan, ammo doim ortga surib kelingan yirik bir islohotni, ya’ni so‘m denominatsiyasini amalga oshirish uchun ajoyib va qulay imkoniyat paydo qilmoqda.