Қуёш панеллари ўрнатган 35,3 минг киши субсидия олди

Кеча 17:403561

2025 йилнинг январ–сентябр ойларида электр тармоқларига ўтказилган қуёш энергияси учун қанча миқдорда давлат бюджетидан субсидия олингани маълум қилинди.

Қуёш панеллари ўрнатган 35,3 минг киши субсидия олди

Солиқ қўмитасига кўра, 2025 йилнинг январ–сентябр ойларида 35 284 нафар жисмоний шахс электр тармоқларига ўтказилган қуёш энергияси учун 153 млрд 643 млн сўм давлат бюджетидан субсидия олди.

Қайд этилишича, ҳудудлар бўйича субсидиянинг энг катта қисми 42,6 млрд сўм билан Хоразм вилоятига тўғри келмоқда. Кейинги етакчи ҳудудлар эса Қорақалпоғистон Республикаси (22,4 млрд сўм) ва Бухоро вилояти (15,3 млрд сўм) бўлди.

Субсидияни «Солиқ» мобил иловаси «Кешбек ва имтиёзлар» хизматининг «Қуёшли хонадон» бўлимидаги «Картага пул ўтказиш» ойнаси орқали банк картасига ўтказиб олиш мумкин, дейилади хабарда.

Маълумот учун, 2023 йил 1 апрелдан «Қуёшли хонадон» дастури доирасида хонадонига қуёш панелларини ўрнатган жисмоний шахсларга қуёш панели орқали ишлаб чиқарилган ва ягона электр энергетика тизимига узатилган электр энергиясининг ҳар бир киловатт соати учун 1 000 сўмдан субсидия ажратилиши белгиланган.

Эслатиб ўтамиз, аввалроқ президент раислигида ўтган йиғилишда 2026 йил бюджети муҳокама қилиниб, самара бермаётган субсидия ва имтиёзларни тугатиш вазифаси қўйилгани ҳақида хабар берилганди.

Теглар

яшил энергия субсидия солиқ

Мавзуга оид

01.11.2025 | 10:24

«Ерусти ҳалқа йўли» метроси фаолияти тўлиқ тикланди

1 ноябрдан Тошкент метросининг «Ўзбекистон мустақиллигининг 30 йиллиги» йўналиши қайта иш бошлади. Йўналишда 12 та поезд 7 дақиқалик интервал билан ҳаракатланмоқда.

01.11.2025 | 16:55

Яна 3 та туманга янги ҳоким тайинланди

Навбаҳор, Нарпай ва Фориш туманларига янги ҳоким тайинланди.

31.10.2025 | 17:20

9 ой мобайнида Тошкент шаҳрида қарийб 72 трлн сўм инвестиция ўзлаштирилди

Миллий статистика қўмитаси январ–сентябр ойларида ҳудудларда ўзлаштирилган инвестициялар бўйича маълумот берди.

30.10.2025 | 19:03

Korzinka харидорлари сентябрда 7,5 млрд сўм кешбек олди

Сентябр ойида солиқ мобил иловаси орқали рўйхатдан ўтказилган харид чеклари бўйича маълумот берилди.

02.11.2025 | 13:13

Туркияда Grand Kartal меҳмонхонасидаги ёнғин учун 11 киши умрбод қамалди

Бўлу вилоятида 78 киши ҳалок бўлган Grand Kartal меҳмонхонаси ёнғини бўйича суд иши якунланди. Суд 11 нафар айбланувчи, жумладан, меҳмонхона эгаси Холид Эргулни умрбод озодликдан маҳрум этишга ҳукм қилди.

01.11.2025 | 08:00

Ўзбекистон ва CNPC нефт-газ соҳасида янги лойиҳаларни муҳокама қилди

Энергетика вазирлигида Хитой миллий нефт ва газ корпорацияси (CNPC) делегацияси билан учрашув бўлиб ўтди. Томонлар янги қўшма лойиҳаларни амалга ошириш масалаларини муҳокама қилди.