Raqamli texnologiyalar xalqaro markazi tashkil qilinadi

Бугун 20:152 дақиқа

Markazda tartibga solish «qumdoni» doirasida yangi yechimlarni sinovdan o‘tkazish, ish haqini xorijiy valutada to‘lash, xalqaro mehnat standartlarini joriy qilish, shaxsga doir ma’lumotlarni xalqaro standartlar va bulutli texnologiyalar asosida qayta ishlash mumkin bo‘ladi.

O‘zbekistonda Raqamli texnologiyalar xalqaro markazi tashkil qilinadi. Bu haqdagi taklif bugun, 25-mart kuni Prezident Shavkat Mirziyoyev tomonidan ma’qullandi.

Davlat rahbari huzuridagi taqdimotda mamlakat investitsiyaviy jozibadorligini yanada oshirishga qaratilgan uchta ustuvor yo‘nalish – xalqaro moliya va raqamli texnologiyalar markazlarini tashkil etish hamda islomiy moliya xizmatlarini joriy qilish masalalari ko‘rib chiqildi.

Ulardan birinchisi Toshkent xalqaro moliya markazi tashkil etilishi bo‘lsa, ikkinchi yo‘nalish «Enterprise Uzbekistan» brendi ostida Raqamli texnologiyalar xalqaro markazini tashkil etish va rivojlantirishdir.

Taqdimotda Raqamli texnologiyalar xalqaro markazi uchun 2100-yilga qadar amal qiladigan maxsus huquqiy rejim nazarda tutilgani ma’lum qilindi. Markazda tartibga solish «qumdoni» doirasida yangi yechimlarni sinovdan o‘tkazish, ish haqini xorijiy valutada to‘lash, xalqaro mehnat standartlarini joriy qilish, shaxsga doir ma’lumotlarni xalqaro standartlar va bulutli texnologiyalar asosida qayta ishlash mumkin bo‘ladi. Intellektual mulkni himoya qilish, investitsiyalar, startaplar va eksport uchun qulay sharoitlar yaratiladi, bojxona va soliq bo‘yicha yengilliklar beriladi.

Sun’iy intellekt texnologiyalari, raqamli transformatsiya, tadqiqot va ishlanmalar, sertifikatlashtirish, startaplar hamda ma’lumotlar markazlari ushbu markaz faoliyatining asosiy yo‘nalishlari etib belgilanmoqda.

Taqdimotda 2030-yilgacha mazkur markaz orqali 1 mingtagacha kompaniyani jalb qilish, 300 mingdan ziyod ish o‘rni yaratish va 5 milliard dollarlik eksport salohiyatiga chiqish maqsadi belgilangani aytildi. Bir qator yirik xalqaro texnologik kompaniyalar ushbu tashabbusga qiziqish bildirgani qayd etildi.

Davlat rahbari mazkur taklifni amaliyotga tatbiq etish ishlarini jadallashtirish yuzasidan topshiriqlar berdi.

Теглар

investitsiya moliya Mirziyoyev bank texnologiya islomiymoliya

Мавзуга оид

Бугун 17:07

AQSH vizasini olib berish evaziga pora olgan shaxs ushlandi

AQSH vizasini olib berish evaziga 75 ming dollar pora olgan shaxs qo‘lga olindi.

Бугун 20:04

Toshkent xalqaro moliya markazi tashkil etiladi

Markaz rezidentlari uchun kapitalning erkin harakati va repatriatsiyasi, erkin valuta operatsiyalari, zamonaviy to‘lov vositalari, jumladan, raqamli aktivlar bilan ishlash, imtiyozli soliq rejimi, soddalashtirilgan viza tartibi kabi keng imkoniyatlar yaratiladi.

Бугун 08:55

Sun’iy yo‘ldosh ma’lumotlari O‘zbekistonda iqtisodiy faollik oshganini ko‘rsatdi

Iqtisodiy tadqiqotlar va islohotlar markazi sun’iy yo‘ldosh orqali olingan tungi yorug‘lik ma’lumotlari asosida O‘zbekiston hududlarining so‘nggi besh yillik iqtisodiy faolligini baholadi. Natijalar mamlakatda urbanizatsiya va aholi farovonligi sezilarli darajada o‘sganini tasdiqladi.

Бугун 15:15

Tojikiston prezidenti O‘zbekistonga davlat tashrifi bilan keladi

Tashrif doirasida strategik sheriklikni kuchaytirish va yangi qo‘shma loyihalarni ishga tushirish masalalari muhokama qilinadi.

Бугун 17:55

Muddati o‘tgan dorilarni qayta sotuvga chiqarmoqchi bo‘lganlar aniqlandi

Yaroqlilik muddati tugagan 55 840 dona «Menovazin», 25 000 dona «Vodorod peroksidi», 50 800 dona «Etil spirti» hamda dori vositalarini 2025-2026 yillarda ishlab chiqarilgan degan ma’lumotlar bilan qayta qadoqlab, sotuvga chiqarish rejalashtirilgan.

Кеча 22:29

«O‘zatom»ning «Rosatom» bilan yangi kelishuvi, «10 ming qadam»ning qaytishi va jahon chempionatiga mezbonlik qiladigan 100 mln dollarlik stadion — 24-mart dayjesti