Saida Mirziyoyeva xorijiy tillarga ixtisoslashtirilgan maktab-internat faoliyati bilan tanishdi

Кеча 18:391 дақиқа

Maktab-internatdagi o‘quv jarayonida asosiy e’tibor STEM yo‘nalishiga, xususan, matematika, fizika, kimyo, biologiya va axborot texnologiyalariga qaratilgan.

Saida Mirziyoyeva xorijiy tillarga ixtisoslashtirilgan maktab-internat faoliyati bilan tanishdi

Bugun, 15-sentabr kuni Prezident administratsiyasi rahbari Saida Mirziyoyeva xorijiy tillarga ixtisoslashtirilgan maktab-internati faoliyati bilan tanishdi.

Mazkur dargohda 260 nafardan ziyod iqtidorli o‘g‘il-qiz ta’lim olishni boshlagan.

O‘quv jarayonida STEM yo‘nalishiga — matematika, fizika, kimyo, biologiya va axborot texnologiyalariga alohida e’tibor qaratilgan.

Bolalar bu fanlarni chuqur o‘zlashtirish barobarida loyihalar ustida ishlaydilar, bilimlarini amaliyotda qo‘llash ko‘nikmasini hosil qilib, mustaqil tadqiqotlar olib boradilar. Xorijiy tillardan ingliz va xitoy tillari kuchaytirilgan tartibda o‘qitiladi.

Shu bilan birga, o‘quv dasturining salmoqli hamda muhim qismi ona tili, O‘zbekiston tarixi, adabiyoti va madaniyatiga ajratilgan.

«Yoshlarga zamonaviy ta’lim berib, kelajagi uchun keng imkoniyatlar eshigini ochar ekanmiz, ayni paytda ularga vatan tuyg‘usi, o‘zligi va milliy madaniyati bilan bog‘liqlikni doimiy singdirib borish zarur — menimcha, ta’limda eng to‘g‘ri yondashuv shu», - deya yozdi Mirziyoyeva o‘zining Telegram-kanalida.

Теглар

ta’lim Saida Mirziyoyeva xitoy tili STEM maktab-internat Prezident administratsiyasi O‘zbekiston ta’limi.xorijiy tillar ingliz tili

Мавзуга оид

13.09.2026 | 22:10

«Bilimni ilmiy yo‘nalishda qo‘llashda hali kamchiligimiz bor» — vazir PISA natijalari haqida

Maktabgacha va maktab ta’limi vaziri E’zozxon Karimova PISA natijalaridan keyingi asosiy vazifalar sifatida o‘quvchilarning bilimini amalda qo‘llash, ota-onalarning ta’limdagi ishtirokini kuchaytirish va sun’iy intellektdan to‘g‘ri foydalanish o‘nikmalari shakllantirilishi zarurligini qayd etdi.

13.09.2026 | 12:37

PISA’da 83 ballik o‘sish: O‘zbekistonda ta’lim sifati haqiqatan yaxshilandimi?

O‘zbekistonning tabiiy fanlar bo‘yicha natijasi uch yilda 83 ballga oshib, 48-o‘ringa ko‘tarildi. Biroq matematika va o‘qish savodxonligi natijalari e’lon qilinmagan. Ta’lim eksperti Komil Jalilov bu o‘sish, PISA formatiga tayyorgarlik, Prezident maktablari va ta’limdagi tafovutlar haqida fikr bildirdi. Uning so‘zlariga ko‘ra, asosiy maqsad reytingdagi o‘rinni yaxshilash emas, tizimdagi real va barqaror o‘zgarishlarga erishish bo‘lishi kerak.

Кеча 08:00

Tramp Rossiya va Ukraina kelishuvga erishganini e’lon qildi

AQSH rahbari dunyoda dizel yoqilg‘isi narxining o‘sishiga asosiy sabab Rossiya–Ukraina urushi ekanini aytdi.

09.09.2026 | 08:00

O‘zbekiston birinchi xonimi Serbiyaning madaniy merosi bilan tanishdi

Ziroat Mirziyoyeva Belgradda Serbiya Milliy muzeyiga tashrif buyurib, mamlakatning boy madaniy merosi va tarixiga oid noyob eksponatlar bilan tanishdi.

13.09.2026 | 08:58

Yana bir davlat Alisher Usmonovga qo‘yilgan sanksiyalarni olib tashlashni taklif qildi

Yevropalik diplomatlardan biri bu qarorning sabablari haqida ko‘plab savollar paydo bo‘lganini aytdi. Aftidan, bu yerda birinchi navbatda iqtisodiy manfaatlar muhim rol o‘ynayapti. U Yevropa Ittifoqiga a’zo boshqa davlatlar orasida bu pozitsiyani tushunadiganlar juda kamligini bildirdi.