Тезкор хотира тақчиллиги сабаб электроника нархлари кескин ошиши мумкин

Жаҳон электрон техника бозорида тезкор хотира тақчиллиги туфайли оммавий нарх ошиши кутилмоқда. «The Verge» нашри хабарига кўра, RAM ишлаб чиқаришдаги инқироз 2026 йилдан бошлаб смартфонлар, ноутбуклар, ўйин консоллари ва бошқа қурилмалар қимматлашишига олиб келади.

Танқсликнинг асосий сабаби

Мутахассислар ушбу ҳолатни «RAMageddon» деб аташмоқда. Бу атама «Armageddon» сўзи билан RAM, яъни тезкор хотира тушунчасининг бирлашмасидан келиб чиққан. Бозордаги босимнинг асосий сабаби — сунъий интеллект индустриясининг кескин ўсиши.

Сунъий интеллект компаниялари нейротармоқ хизматларини қўллаб-қувватлаш учун катта ҳажмдаги тезкор хотирага муҳтож. Ишлаб чиқарувчилар эса бу талабни тўлиқ қондиришга улгурмаяпти. Натижада бутловчи қисмлар тақчиллиги юзага келиб, хотира нархлари айрим сегментларда 3–6 баробарга ошган.

Тахминий ўсиш нархлари

Таҳлилчиларга кўра, орадаги танқислик барча турдаги қурилмаларга таъсир қилади. Масалан, ўрта тоифадаги смартфонларда хотира умумий таннархнинг 15–20 фоизини ташкил этади, флагман моделларда эса бу кўрсаткич 10–15 фоиз атрофида. Шу боис якуний нархлар ўртача 8 фоизга кўтарилиши мумкин.

Экспертлар таъкидлашича, ҳатто қурилма сотиб олмайдиган истеъмолчилар ҳам бевосита таъсирни ҳис қилади. Чунки компаниялар ўз инфратузилмасини янгилаш учун кўпроқ харажат қилади ва бу хизматлар ҳамда товарлар нархига қўшилади.

Ҳозирча вазият камида икки йил давомида сақланиши кутилмоқда. Ишлаб чиқарувчилар қувватларни оширишни режалаштирган бўлса-да, бозордаги босим яқин муддатда пасайиши даргумон.