Turizm va ovqatlanishga qaytarilgan QQS miqdori ma’lum qilindi
Qaytarilgan QQSning asosiy ulushi 587 ta umumiy ovqatlanish korxonasiga to‘g‘ri kelib, ularga 25,6 mlrd so‘m qaytarib berildi.
© Soliq ilovasiJoriy yil boshidan O‘zbekistonda turizm, umumiy ovqatlanish hamda ayrim qishloq xo‘jaligi korxonalariga jami 32,3 mlrd so‘m qo‘shilgan qiymat solig‘i (QQS) qaytarildi. Bu haqda Soliq qo‘mitasi ma’lum qildi.
Umumiy ovqatlanish korxonalariga qaytarilgan QQS
Ma’lumotlarga ko‘ra, qaytarilgan mablag‘larning asosiy qismi umumiy ovqatlanish korxonalari hissasiga to‘g‘ri kelgan. Xususan, 587 ta ovqatlanish shoxobchasiga 25,6 mlrd so‘m QQS qaytarib berilgan.
Turizmga qaytarilgan QQS
Shuningdek, 15 ta turoperatorga 273,1 mln so‘m va 99 ta mehmonxonaga 1,6 mlrd so‘m ajratilgan. Bu turizm sohasida faoliyat yuritayotgan tadbirkorlarni rag‘batlantirishga qaratilgan.
Qishloq xo‘jaligi yo‘nalishida esa 28 ta chorvachilik va parrandachilik xo‘jaliklariga 1,1 mlrd so‘m qaytarilgan. Bundan tashqari, 111 ta zargarlik korxonasiga 3,7 mlrd so‘m QQS ajratilgan.
Mazkur mexanizm tadbirkorlik subyektlarini qo‘llab-quvvatlash, soliq yukini kamaytirish va ayrim tarmoqlarda faollikni oshirish maqsadida joriy etilgan. QQS qaytarish tizimi orqali budjetga to‘langan soliqning bir qismi tadbirkorlarga qayta yo‘naltirilmoqda.
Eslatib o‘tamiz, O‘zbekistonda 2026 yil 1-yanvardan boshlab qishloq xo‘jaligi mahsulotlarini realizatsiya qilishda qo‘shilgan qiymat solig‘i bo‘yicha nol stavka joriy etildi. Ushbu tartib prezidentning 2025 yil 4-sentabrda qabul qilingan «Qishloq xo‘jaligi sohasida qo‘shilgan qiymat solig‘ini hisoblashning soddalashtirilgan tartibini joriy etish chora-tadbirlari to‘g‘risida»gi farmonida belgilab qo‘yilgan.
