Yo‘llarda mobil radarlar borligini maxsus yo‘l belgilari bilan ko‘rsatish talabi bekor qilindi

Кеча 11:061 дақиқа

Endi radar o‘rnatilganini maxsus belgilar orqali ko‘rsatish majburiyati faqat statsionar radarlargagina tatbiq etiladi.

Yo‘llarda mobil radarlar borligini maxsus yo‘l belgilari bilan ko‘rsatish talabi bekor qilindi

O‘zbekistondagi avtomobil yo‘llarida mobil radarlar mavjudligi haqida oldindan ogohlantirish talabi bekor qilindi. Hukumatning 2026-yil 30-oktabrda kuchga kirgan qarori bilan mobil radarlar borligi majburiy ogohlantirilishi haqidagi talab olib tashlandi.

Amaldagi tartibga ko‘ra, 2025-yil 15-maydagi 318-son qarorning 9-bandida 2025-yil 1-sentabrdan boshlab tezlikni nazorat qiluvchi barcha statsionar va mobil radarlar joylashgan hududda, radar oldidan 250−500 metr masofada «Radar» belgisi o‘rnatilishi majburiy etib belgilangan edi.

Yo‘l chizig‘ini bosganlik va xavfsizlik kamari qoidalaridagi o‘zgarishlar

Mazkur qaror bilan, shuningdek, 1-noyabrdan boshlab chorrahagacha 50 metr hamda qayrilib olish joylarigacha 20 metr masofada 1.1 (bir yaxlit) va 1.3 (ikkita yaxlit) yo‘l yotiq chiziqlarini bosib harakatlangan haydovchilarga yo‘l-patrul xizmati inspektorlari tomonidan ma’muriy bayonnoma rasmiylashtirilishi bekor qilindi.

Biroq, qarama-qarshi yo‘nalishdagi transport oqimlarini ajratib turuvchi 1.1 va 1.3 chiziqlarini bosib o‘tish holatlari bundan mustasno. Bunday qoidabuzarliklar kuzatilganda, inspektorlar bayonnoma rasmiylashtirishga haqlidir.

Bundan tashqari, hukumat qaroriga asosan xususiy radarlar xavfsizlik kamarini taqmagan haydovchilarning qoidabuzarligini ham qayd etishiga ruxsat berildi. Buning uchun xususiy radarlar tomonidan olingan fotosuratlar yuqori sifatli bo‘lishi, ularda haydovchining yuzi va xavfsizlik kamarini taqqan yoki taqmagani aniq aks etishi shart qilib belgilandi.

Теглар

yo‘l harakati qoidalari mobil radar radar belgisi

Мавзуга оид

01.11.2026 | 12:09

«Imarat Development» ustidan jinoyat ishi qo‘zg‘atildi

Kompaniya mijozlarining pulini qaytarmagani yuzasidan tergov harakatlari boshlandi. Ish firibgarlik va mansab vakolatini suiiste’mol qilish alomatlari bilan tergov qilinmoqda.

01.11.2026 | 13:55

O‘zbekistonda salkam 80 ming fuqaro ishsizlik nafaqasini oladi

Ishsiz deb e’tirof etilgan fuqarolarga uch oygacha nafaqa to‘lanadi. Hukumat bu muddatni to‘rt oygacha uzaytirishni taklif qilmoqda.

Кеча 13:00

Fuqarolarni chet elga ishga yuborish to‘liq xususiy bandlik agentliklariga o‘tkaziladi

Yuqori daromadli ishga joylashtirilgan har bir kishi uchun agentlikka 1,5 million so‘mdan rag‘bat puli to‘lanadi.

Кеча 10:20

Toshkentdagi ko‘p qavatli uylar hovlisidan avtoturargohlar olib tashlanadi

Avtoturargohlardan bo‘shagan maydonlar aholining dam olishi, bolalar o‘ynashi va sayr qilishi uchun moslashtiriladi.

01.11.2026 | 15:16

Toshkentda yo‘lovchilarning 85 foizi jamoat transportidagi tiqilinchdan shikoyat qilgan

Yo‘lovchilarning qariyb yarmi avtobus va metroda tiqilinchga duch kelmoqda. Bundan tashqari, transportni 20 daqiqadan ortiq kutadiganlar ham bor.

30.10.2026 | 10:13

Isitish mavsumida ehtiyojmand oilalarga 1 million so‘mdan moddiy yordam beriladi

Shuningdek, aholi uchun elektr energiyasi va tabiiy gaz iste’molidagi tariflar farqini kompensatsiya qilish muddati 2028-yilning 1-apreligacha, ko‘mir xaridini qoplash uchun beriladigan moddiy yordam esa 2029-yilning 1-yanvarigacha uzaytirildi.