АҚШ ва Исроилнинг Эронга ҳарбий зарба бериши ортидан биткоин нархи кескин тушиб кетди
Исроил ва Қўшма Штатлар шанба куни эрта тонгда Эронга қўшма зарба берди, бу эса минтақавий кескинликнинг жиддий кучайишидан дарак берди. Биткоин ушбу хабарга кескин муносабат билдириб, тўғридан-тўғри 63 000 долларгача қулади ва кунлик йўқотишларни деярли 7 фоизга етказди.
Исроил мудофаа вазири Исраэл Катс операцияни “огоҳлантирувчи зарба” деб таърифлади. Исроил ҳукумати Эроннинг учувчисиз учоқлар (дронлар) ва баллистик ракеталар ёрдамида жавоб қайтариши эҳтимолидан огоҳлантириб, мамлакат миқёсида фавқулодда ҳолат эълон қилди. 1 март санасига келиб эса Эрон Олий раҳнамоси ўлдирилгани расман эълон қилинди.
АҚШ ва Эрон ўртасидаги уруш расман бошланди
ОАВ маълумотига кўра, зарба Вашингтон ва Қуддус томонидан келишилган ҳолда амалга оширилган. Расмийларнинг қайд этишича, ушбу ҳаракат улар бевосита таҳдид деб ҳисоблаган хавфга “қарши курашишга” қаратилган.
Бу қарор АҚШ ва Эрон ўртасида бир неча ҳафтадан бери кучайиб бораётган кескинлик ортидан қабул қилинди. Вашингтон Теҳронни Америка фуқароларини сиёсий босим ўтказиш мақсадида ушлаб турганликда айблаб, Эронни “Адолатсиз ҳибсга олишнинг давлат ҳомийси” деб эълон қилди. Шу билан бирга, АҚШ минтақа бўйлаб замонавий қирувчи самолётлар ва қўшимча кучларни жойлаштириб, Исроил билан ҳамкорликда ҳаводан зарбалар беришни бошлади.
Bitcoin нархи қулади ва ҳафта давомидаги ўсишни йўққа чиқарди
Зарба берилгани ҳақидаги хабардан сўнг биткоин нархи кескин пасайди. Криптовалюта бир кеча-кундузда 6 фоиздан кўпроққа арзонлашиб, қарийб 63,3 минг долларгача тушди.
Бу пасайиш сўнгги тикланиш уринишларини пучга чиқарди ва ўтган ойдаги умумий заифликни янада кучайтирди. Афтидан, трейдерлар кенг кўламли минтақавий можаро хавфи туфайли рискли активлардан воз кечммоқда.
Бироқ Эрон Олий раҳнамоси Али Хоманеийнинг ўлдирилгани Исроил, АҚШ, Эрон расмийлари томонидан расмий тан олингандан сўнг Биткоин нархи кутилмаганда қайта тикланишни бошлаган ва ҳозирда 68 минг доллар атрофида баҳоланмоқда.
