Марказий банк асосий ставкани 14 фоиз даражасида сақлаб қолди

Bugun 11:061 daqiqa

Ўзбекистон Марказий банки асосий ставкани ўзгартирмасдан, йиллик 14 фоиз даражасида сақлаб қолишга қарор қилди. Регулятор юқори ички талаб ва ташқи бозорлардаги беқарорлик инфляцион босимни сақлаб қолаётганини таъкидлади.

Марказий банк асосий ставкани 14 фоиз даражасида сақлаб қолди

Марказий банк Бошқарувининг 2026-йил 4-ноябрдаги йиғилишида асосий ставкани йиллик 14 фоиз даражасида сақлаб қолиш тўғрисида қарор қабул қилинди.

Марказий банк маълумотларига кўра, сентябр ойида йиллик инфляция 6,4 фоизни, базавий инфляция эса 5,5 фоизни ташкил этган. Инфляцион кутилмалар пасайишда давом этмоқда.

Шу билан бирга, 2026-йилнинг январ–сентябр ойларида иқтисодий ўсиш 8,3 фоизга етган. Регулятор юқори ички талаб инфляцион босимни сақлаб қолаётганини қайд этди.

Жаҳон бозорларида озиқ-овқат ва энергия ресурслари нархларининг ўзгарувчанлиги ҳам инфляцион хатарларни кучайтирмоқда.

Марказий банкка кўра, ижобий реал фоиз ставкалари ва сўмдаги жамғармаларнинг жозибадорлиги қатъий пул-кредит шароитларини таъминламоқда.

Регулятор прогнозларига кўра, 2026-йил якунида инфляция 7 фоиз атрофида бўлиши, 2027-йил якунида эса 5 фоизлик мақсадли кўрсаткичга етиши кутилмоқда.

Марказий банк Бошқарувининг навбатдаги йиғилиши 2026-йил 16-декабр куни ўтказилади.

Teglar

пул-кредит сиёсати асосий ставка Марказий банк инфляция

Mavzuga oid

01.11.2026 | 18:40

Исломий банклар Ўзбекистонга нима олиб келади?

Самарқандда бўлиб ўтган Халқаро ислом молияси форуми доирасида «Muomalat time» кўрсатувида Vaqt.uz мухбири эксперт Искандар Турсунов билан суҳбатлашди. Унда Ўзбекистонда исломий банклар фаолияти, фоизсиз молиялаштириш имкониятлари, янги инвестициялар ва соҳанинг ривожланиши олдидаги муаммолар муҳокама қилинди.

01.11.2026 | 21:55

Августда олтин сотилмагани ортидан экспорт даромадлари 3,5 баробар камайди

Ўтган йили 9,9 миллиард доллардан ортиқ даромад келтирган олтин экспорти бу йил кескин қисқарди. Аҳамиятлиси, мамлакат йил давомида қимматбаҳо металлни фақатгина икки ойда сотган.

01.11.2026 | 20:25

Янгиланган рейтингда қайси банклар юқорилади, қайсилари пасайди?

Учинчи чоракда 34 та банк фаолияти баҳоланди. «Ipak Yo‘li Bank» ва «Xalq banki» йирик банклар орасида энг кўп поғона кўтарилган бўлса, кичик банклар рейтингида «Garant Bank» етакчи ўсишни қайд этди.

Kecha 13:55

«Openbank» бизнесни исломий молиялаштириш учун 10 млн долларгача маблағ жалб қилмоқчи

Олинган маблағлар Ўзбекистонда фаолият юритаётган хусусий компаниялар, жумладан, кичик ва ўрта бизнес субъектлари ҳамда йирик корхоналарни молиялаштириш учун йўналтирилади. Бу орқали иқтисодиётнинг ишлаб чиқариш ва хизмат кўрсатиш каби даромад келтирувчи тармоқларини қўллаб-қувватлаш кўзда тутилган.

Kecha 11:09

Ўзбекистонда тижорат банкларининг молиявий оммабоплик рейтинги жорий этилади

Мазкур рейтинг орқали банкларнинг аҳоли ва тадбиркорлар учун молиявий имкониятлар яратиши ҳамда хизматларни қанчалик қулай, хавфсиз ва сифатли кўрсатиши ўзаро таққосланади.

Kecha 13:25

Ўзбекистонликлар энг кўп ёқилғи ва коммунал хизматлар нархи ошишидан хавотирда

Сентябр ойида аҳоли ва тадбиркорларнинг инфляцион кутилмалари пасайишда давом этган бўлса-да, ёқилғи-энергия ҳамда коммунал хизматлар нархларининг қимматлашишига оид хавотирлар сақланиб қолмоқда. Нархлар ошиши эҳтимолидан айниқса пенсионерлар энг кўп хавфсирамоқда.