Бугун Қозоғистондан келган Мирзиёев эртага Қирғизистонга боради

Kecha 22:381 daqiqa

Ўзбекистон етакчиси 30 июл – 1 август кунлари давлат ташрифи билан ушбу мамлакатда бўлади.

Бугун Қозоғистондан келган Мирзиёев эртага Қирғизистонга боради

Ўзбекистон Республикаси Президенти Шавкат Мирзиёев Қирғиз Республикаси Президенти Садир Жапаровнинг таклифига биноан 30 июл – 1 август кунлари давлат ташрифи билан ушбу мамлакатда бўлади.

Олий даражадаги музокараларда Ўзбекистон – Қирғизистон дўстлик, яхши қўшничилик ва стратегик шериклик муносабатларини янада мустаҳкамлаш, ўзаро савдо ҳажмини ошириш, саноат кооперациясини кенгайтириш, транспорт соҳасидаги ўзаро боғлиқликни ҳамда маданий-гуманитар алмашинувларни ривожлантириш масалалари кўриб чиқилади.

Давлат раҳбарлари халқаро ва минтақавий кун тартибидаги долзарб масалалар юзасидан ҳам фикр алмашадилар.

Саммит якунлари бўйича Ўзбекистон ва Қирғизистон ўртасидаги кўп қиррали ҳамкорликни янада ривожлантиришга қаратилган икки томонлама ҳужжатлар тўпламини имзолаш режалаштирилган.

Ташриф дастурига мувофиқ, Шавкат Мирзиёев Марказий Осиё ва Озарбойжон давлат раҳбарларининг норасмий Маслаҳат учрашуви ва бошқа тадбирларда ҳам иштирок этиши кўзда тутилган.

Teglar

Қозоғистон Қирғизистон Мирзиёев

Mavzuga oid

Kecha 19:55

Паст даромадли оилалар пулининг учдан бир қисмини таълимга сарфлайди – тадқиқот

Кам таъминланган оилалар таълим учун ўз даромадининг нисбатан катта қисмини сарфлаётган бўлса-да, лекин улар фарзандларининг минимал билим даражасига эришиши бойроқ оилалар фарзандларига нисбатан 3 баробар паст. Ижтимоий сиёсат лабораторияси Ўзбекистонда таълимдаги тенгсизликка таъсир қилаётган омилларни ўрганди.

Kecha 16:21

Ўзбекистонда «Золотая Корона» ўтказмалари келаси ҳафта қайта тикланиши мумкин

Тўлов тизими операторига нисбатан санкциялар жорий этилиши ортидан мамлакатдаги 15 дан ортиқ банк «Золотая Корона» орқали пул ўтказишни вақтинча тўхтатганини эълон қилганди.

Kecha 18:55

3,5 млн долларлик имтиёзли кредит ажратиш учун пора талаб қилган банк ходими қўлга олинди

Тошкентда банк ходими ва унинг шериги тадбиркорга имтиёзли кредит олиб беришни ваъда қилиб, 420 минг АҚШ доллари талаб қилган.

Kecha 17:35

Банкларда автокредитларнинг ўртача фоиз ставкаси яна рекорд даражада пасайди

Бу кўрсаткич Марказий банк микроқарз ва автокредитлар бўйича ҳафталик фоиз ставкаларини эълон қила бошлаганидан бери қайд этилган энг паст даража бўлди.

Kecha 19:15

Марказий банк: Асосий ставкани пасайтириш масаласи муҳокама қилинмади

Марказий банк 29 июль куни бўлиб ўтган йиғилишда асосий ставкани пасайтириш вариантини ҳатто муҳокамага ҳам қўймаган. Ammo regulyator kelgusida iqtisodiy sharoit talab etsa, stavkani 0,25 foizlik qadamlar bilan pasaytirish ehtimolini istisno qilmadi.

Kecha 17:55

«Ўзбек аёлларининг хожаси йўқми дея сўрашади» — Туркиядаги ўзбек журналисти | Фикр вақти

Дастуримизнинг навбатдаги сонида биз ўзбек аёлларининг Туркияга кетиш сабаблари, бу мамлакатда улар дуч келадиган муаммолар ва даҳшатли фожиаларнинг туб сабабларини таҳлил қилдик.